खिमराज चालिसे
चंडीगढ । भारतको चंडीगढमा मूल प्रवाह अखिल भारत नेपाली एकता समाज नगर समिति चंडीगढको आयोजनामा फरवरी १, २०२६ को निर्वाचन परिचालन भेला सम्पन्न भएको छ ।
मूल प्रवाहका केन्द्रीय सचिवालय सदस्य दिनेश खड्काले सभालाई प्रमुख अतिथिको आशनबाट सम्वोधन गर्दै अहिलेको चुनावलाई साम्राज्यवादीहरूलाई परास्त गर्ने र देशको राष्ट्रियता, गणतन्त्र र संविधानबाट प्राप्त अधिकारको रक्षा गर्ने आन्दोलनको रुपमा सबै कार्यक्रताहरूले बुझ्न पर्ने धारणा राख्नु भयो । उहाँले संघीयता खारेजीको आन्दोलनलाई पनि चुनावमा जोडतोडसँग उठाउन आव्हान गर्नु भयो ।
सभालाई मूल प्रवाह सुदुर पश्चिमोत्तर क्षेत्रीय सहसचिव तेज बहादुर रोका, सुदुर पश्चिमोत्तर क्षेत्रीय सदस्य एवं सांस्कृतिक विभाग संयोजक जुना भण्डारी चालिसे, सांस्कृतिक विभाग केन्द्रीय सदस्य बिनु नेपाली, परिषद सदस्य थमन थापा, अखिल भारत नेपाली विद्यार्थी संघका केन्द्रीय अध्यक्ष माधव पोख्रेल, विद्यार्थि संघ केन्द्रीय सदस्य नारायण आचार्य लगायतले सम्वोधन गर्दै आ–आफना धारणा राख्नुभएको थियो ।
कार्यक्रम नगर अध्यक्ष मान बहादुर के.सीको अध्यक्षता तथा नगर सचिव थानेश्वर पाण्डेको सञ्चालनमा सम्पन्न भएको थियो भने स्वागत मन्तव्य उपाध्यक्ष प्रेम गुरुङले दिनुभएको थियो । त्यस्तै सांस्कृतिक कलाकारहरूले पनि स्वागत गित प्रस्तुत गरेका थिए ।
