हरि न्यौपाने, तमघास बजार ।
गुल्मीमा राष्ट्रिय जनमोर्चाको निर्वाचन तयारी भेला सम्पन्न भएको छ ।
नेकपा (मसाल) का महामन्त्री मोहनविक्रम सिंहको प्रमुख आतिथ्यमा २०८२ माघ १८ गते आइतबार तमघास बजारमा सो कार्यक्रम सम्पन्न भएको हो । प्रमुख अतिथि सिंहले भेलामा सहभागिहरूलाई प्रशिक्षण दिनुभएको थियो ।
राजमो केन्द्रीय सदस्य तथा लुम्बिनी प्रदेशसभाकी सांसद तारा थापाको पनि विशिष्ट आतिथ्य रहेको सो कार्यक्रममा गुल्मी–१ का उम्मेदवारसमेत रहनुभएका राजमो केन्द्रीय सदस्य रामकुमार क्षेत्री र क्षेत्र नं. २ का उम्मेदवारसमेत रहनुभएका अर्का केन्द्रीय सदस्य लालबहादुर थापा, अखिल नेपाल महिला संघ जिल्ला समितिकी सचिव तथथा समानुपातिक उम्मेदवार जमुना कुँवर, खिमा झाँक्री र उषा तरामी सिंजापतिको पनि आतिथ्य रहेको थियो ।
कार्यक्रममा अखिल नेपाल किसान महासङ्घ (अप्फा) का केन्द्रीय सदस्य ओमेन्द्र कुँवर, नेकपा (मसाल) गुल्मीका प्रवक्ता चिन्तामणि भट्टराईलगायतका अतिथिको आतिथ्य रहेको थियो ।
राजमो लुम्बिनी प्रदेश समितिका सदस्य रामेश्वर खत्रीको अध्यक्षतामा अघि बढेको उक्त कार्यक्रममा सञ्चालन राजमो गुल्मीका सचिव छविलाल सर्तुीङ्गीले र स्वागत जिल्ला समितिकी कोषाध्यक्ष नरमाया रानाले गर्नुभएको थियो ।
कार्यक्रममा महामन्त्री सिंहले समसामयिक विषयमा प्रशिक्षण दिनुभएको थियो ।
भेलाले छविलाल सर्तुङ्गीको संयोजकत्वमा निर्वाचन परिचालन मूल व्यवस्थापन समिति निर्माण गरेको छ । जसमाः रामकुमार क्षेत्री, रामेश्वर खत्री, हरि न्यौँपाने, लाल बहादुर थापा, धनबहादुर थापा, नरमयाँ राना र तारा थापा सदस्य रहेका छन् ।
त्यस्तै हरि न्यौँपानेको संयोजकत्वमा पाँच सदस्यी प्रचार प्रसार समिति चयन गरिएको छ । जसमाः राम कुमार क्षेत्री, धनबहादुर थापा, श्यामलाल पन्थ, तारा जिसी र कमल सदस्य रहनुभएको छ ।
त्यस्तै रामेश्वर खत्रीको संयोजकत्वमा पाँच सदस्यीय आर्थिक समिति निर्माण गरिएको छ । जसमाः ओमेन्द्र कुँवर, आत्मराम न्यौँपाने, नरमयाँ राना र बाबुराम खरेल सदस्य रहनुभएको छ ।
गुल्मी क्षेत्र नं १
त्यस्तै भेलाले श्यामलाल पन्थ संयोजक र कमल पुलामी सहसंयोजक रहने गरि १३० सदस्यीय प्रचार प्रसार समिति निर्माण गरिएको छ । सोही क्षेत्र अन्तर्गत ओमेन्द्र कुँवरको संयोजकत्वमा आर्थिक समिति गठन गरिएको छ, जसमाः नरयमाँ राना सदस्य रहनुभएको छ ।
गुल्मी क्षेत्र नं २
त्यस्तै धनबहादुर थापा संयोजक र तारा जिसी सहसंयोजक रहने गरि ११० सदस्यीय प्रचारप्रसार समिति निर्माण गरिएको छ । आत्मराम न्यौँपाने संयोजक र सदस्य बाबुराम खरेल रहेको आर्थिक समिति पनि निर्माण गरिएको छ ।
भोली माघ १९ गतेदेखि दुबै क्षेत्र अन्तर्गतका सबै पालिकामा चुनावी भेला, प्रशिक्षण सम्पन्न गर्ने भेलाले कार्ययोजना बनाएको छ ।
क्षेत्र नं १ मा ६ वटा र आधा पालिका र त्यस्तै क्षेत्र नं २ मा पाँचवटा र आधा पालिका पर्दछन् । जसमा रेसुङ्गा नगरपालिका दुबै क्षेत्रलाई आधा–आधा बाढिएका छन् ।
आगामी फागुन एक गते दुबै क्षेत्रमा चुनावी भेला सम्पन्न पार्ने तयारी रहेको छ ।
