भीमदत्तनगर । कञ्चनपुर जिल्ला निर्वाचन क्षेत्र नं. २ का दुई स्थानमा राष्ट्रिय जनमोर्चाको चुनाव प्रचारप्रसार कार्यालय स्थापना गरिएको छ ।

पहिलो कार्यालय बेतकोट नगरपालिकाको वडा नं. १० दैजीमा २०८२ माघ १७ गते उद्घाटन गरिएको हो ।

त्यस्तै माघ १८ गते शुक्लाफाँटा नगरपालिकाको वडा नं. १ बन्साहमा पनि सम्पर्कअर्को सम्पर्क कार्यालय उद्घाटन गरिएको थियो ।

कार्यक्रममा कञ्चनपुर–२ बाट उम्मेदवारसमेत रहनुभएका राजमोका जिल्ला अध्यक्ष रामबहादुर कार्कीले सङ्क्षिप्त मन्तव्य राख्नुभएको थियो ।

सो अवसरमा शुक्लाफाँटा–१२ निवासी धिर्कबहादुर कार्की र शुक्लाफाँटा–१ निवासी बिसन कार्कीले राजमोको सदस्यता लिनुभएको थियो ।

कार्यक्रमको अध्यक्षता राजमो नेता टुङ्गे बोहराले, सञ्चालन राजमो प्रदेश समितिका जनक कुँवरले गर्नुभएको थियो ।