नाडियाड, गुजरात । कपिलवस्तुका राजेश पासीको गुजरातमा सड्क दुर्घटनामा निधन भएको छ । पासीको अहमदाबाद बडौदरा हाईवेमा २६ जनवरी २०२६ का दिन ट्रकको टक्करले मृत्यु भएको र प्रशासनले जनाएको छ ।
प्रशासनका अनुसार मृतकको शरीरमा रहेको कपडामा खोजविन गर्दा नेपाली मतादाता परिचयपत्र भेटिएको थियो । मतदाता परिचयपत्रमा उल्लेख भए अनुसार उनी नेपाली भएको ठहर भएको थियो । उक्त घटनाको जानकारी मूल प्रवाह अखिल भारत नेपाली एकता समाजका पूर्व केन्द्रीय सदस्य भिम सिंह बिस्ट र नगर समिति नाडीयाडका सुरेश बिस्टलाई गराएको थियो ।
घटनाको जानकारी प्राप्त भएलगत्तै भिमसिंह र सुरेश विषयले मृतकका आफन्तको खोजी कार्यमा लागेका थिए । प्राप्त जानकारी अनुसार घरको आर्थिक अवस्था अत्यन्तै नाजुक भएको हुँदा परिवारका सदस्यहरू गुजरात पुग्न नसक्ने मूल प्रवाह अखिल भारत नेपाली एकता समाजमा प्राप्त भएको थियो ।
मृतकको पार्थिव शरीर नेपाल ल्याउन पनि झन् समस्या भएको हुँदा, परिवारका सदस्यहरूले यशोधरा गापा वार्ड नं. ८ बाट आवश्यक दस्तावेज (मन्जुरी नामा) तयार गराई नातेदार सहितको उपस्थितमा स्थानीय समसान भुमिमा दाहसंस्कार गरिएको छ ।
स्थानीय प्रशासनले दिएको जनकारी अनुसार सडक दुर्घटना हिट एण्ड रन भएको हुँदा प्रशासनको सहयोगमा गाडी (ट्रक) पत्ता लागेको छ । पीडित पक्षलाई क्षतिपूर्तिका लागि अदालतमा मुद्दा लड्ने र आवश्यक सहयोग गर्ने प्रतिबद्धता परिवारलाई मूल प्रवाहले गरेको छ ।
