दाङ, माघ १२। राष्ट्रिय जनमोर्चा दाङ देउखुरी निर्वाचन क्षेत्र नम्बर एकमा सम्पुर्ण रुपमा चुनावी रणनीति तर्जुमा भएको छ ।
यसै सिलसिलामा मुल निर्वाचान परिचालन समिति बसन्त पौडेल संयोजक रहनु भएको ५१ सदस्यीय गठन भएको छ । जसको सदस्य सचिब गिरबहादुर पौडेल र कोषाध्यक्षमा डिलाराम पौडेल रहनु भएको छ । जसका सदस्यहरूमा प्रेम आचार्य, केसबराज खनाल, रमेशमान गुरुङ, ठाकुर आचार्य, बाबुराम थापा, ज्ञानबहादुर घर्ति, सुर्यलाल नेपाली, ठाकुर भण्डारी, टुकमान कुँवर, दलबहादुर घर्ति, लोकबहादुर चौधरी, बिजुला केसी, माधव आचार्य, कुलचन्द्र पोख्रेल, भरत अधिकारी, बासुदेब भट्टराई, बलदेब विक, चम्फा भुसाल, पुर्णिामा आचार्य, बिष्णु आचार्य, नवराज शर्मा, दिनमणि आचार्य, कमला बेलबासे, हरी थापा, लेखराज आचार्य लगायत रहनु भएको छ ।
यसैगरी कपिलदेब खनालको संयोजकत्वमा राष्ट्रिय जनमोर्चा र बिभिन्न जनवर्गिय सङ्गठनका निर्वाचन क्षेत्र नम्बर १ मा पर्ने केन्द्र, जिल्ला र पालिका समिति सम्मका सबै पर्ने गरी २५१ सदस्य प्रचारप्रसार उपसमिति गठन भएको छ ।
यसैगरी बसन्त आचार्यको संयोजकत्वमा २५ सदस्यीय युबा परिचालन, अनन्त आचार्यको संयोजकत्वमा ३ सदस्यीय सांस्कृतिक टिम परिचालन, प्रेम आचार्यको संयोजकत्वमा ७ सदस्यीय मतदाता पहिचान, संरक्षण तथा रणनीति तर्जुमा समिति, बिजुला केसी संयोजक रहेको ५१ सदस्यीय महिला परिचालन समिति, कृष्ण गिरी संयोजक रहेको ७ सदस्यीय बुद्धिजीवी तथा नागरिक समाज परिचालन समिति गठन गरिएको छ ।
त्यसैगरि चिन्ता प्रसाद पोख्रेलको संयोजकत्वमा ११ सदस्यीय उद्योगी ब्यापारी परिचालन समिति, बाबुराम थापा संयोजकत्वमा ९ सदस्यीय सुचना तथा सोसल मिडिया सञ्चालन तथा ब्यबस्थापन समिति, दलबहादुर घर्ति संयोजकत्वमा ११ सदस्यीय स्वयंसेवक परिचालन समिति, बासुदेब भट्टराई संयोजकत्वमा ३ सदस्यीय कार्यालय ब्यबस्थापन समिति लगायतका समिति तथा उपसमितिहरू गठन भएका छ ।
यसैगरी राप्ती, लमही, गढवा र राजपुरका पार्टी कमिटिलाई पालिका स्तरिय निर्वाचान परिचान समितिमा रुपान्तरण गरिएको छ भने घोराहीका चार वडाहरूको लागि सुर्यलाल नेपाली संयोजक रहनेगरी बलदेव विक, पोषण नेपाली, हिरा खनाल र चन्द्रबहादुर नेपाली रहेको परिचालन समिति निर्माण गरिएको छ ।
माघ १६ गतेसम्म सम्पुर्ण पालिकाको बैठक सम्पन्न गरेर माघको १७ गते निर्वाचन क्षेत्र स्तरीय प्रशिक्षण भेला तथा बैठक सम्पन्न हुनेछ । त्यसपछि प्रचारात्मक तथा घरदैलो अभियान सञ्चालन हुनेछ ।
