परासी । नवलपरासी (बर्दघाट सुस्ता पश्चिम) का दुई प्रतिनिधिसभा क्षेत्रबाट राष्ट्रिय जनमोर्चाका दुईओटै उम्मेदवारी परेको छ ।

२०८२ माघ ६ गते मङ्गलबार क्षेत्र नं. १ बाट ढुण्डिराज पोखरेल र क्षेत्र नं. २ बाट सम्झना पौडेलको उम्मेदवारी परेको हो ।

उम्मेदवारी दिनुभएका पोखरेल राजमोका पुराना नेता हुनुहुन्छ भने पौडेल राजमोनिकट अखिल नेपाल महिला सङ्घकी केन्द्रीय सदस्यसमेत हुनुहुन्छ ।

आसन्न फागुन २१ को प्रतिनिधिसभा राजमो नवलपरासीले जिल्लाका दुवै निर्वाचन क्षेत्रमा मनोनयन दर्ता गराएको छ ।

उम्मेदवारी दर्ताको क्रममा राजमो जिल्ला अध्यक्ष किसनबहादुर अधिकारीसहितका नेताकार्यकर्ता जिल्ला निर्वाचन कार्यालय पुगेको थियो ।