बागलुङ । लामो समयदेखि कम्युनिष्ट आन्दोलनमा सक्रिय रहँदै राष्ट्रिय जनमोर्चाको विभिन्न जिम्मेवारी निर्वाह गर्दै आएका कृष्ण अधिकारीले बाग्लुङ निर्वाचन क्षेत्र नं १ बाट उम्मेद्वारी मनोनयन दर्ता गराएका छन् ।
अधिकारी विद्यार्थी आन्दोलनबाट राजनीतिमा सक्रिय भएका नेता हुन् । उनले लामो समयसम्म अखिल छैठौँको नेतृत्वको जिम्मेवारीमा रहँदै विद्यार्थी तथा आम जनताको हक–अधिकारका पक्षमा निरन्तर संघर्ष गर्दै आएका थिए ।
विद्यार्थी आन्दोलनलाई वैचारिक रूपमा सुदृढ बनाउने, संगठन विस्तार गर्ने तथा शैक्षिक सुधारका मुद्दा उठाउने लगायतका विषयमा अधिकारीको भूमिका महत्वपूर्ण रहेको छ ।
अधिकारीले राष्ट्रिय स्वाधीनता, सामाजिक न्याय, समानता र सुशासनका मुद्दालाई निरन्तर उठाउँदै आएका छन् । देश र जनताको पक्षमा स्पष्ट धारणा राख्ने तथा अन्याय, शोषण र उत्पीडन विरुद्ध दृढ रूपमा उभिने अधिकारीको उम्मेदवारीले बागलुङमा सकारात्मक सन्देश जाने बताइएको छ ।
यसअघि उक्त क्षेत्रबाट राष्ट्रिय जनमोर्चाका अध्यक्ष चित्रबहादुर केसी प्रतिनिधिसभा निर्वाचित हुनुभएको थियो ।
आगामी निर्वाचनमा कृष्ण अधिकारीको उम्मेदवारीलाई जनमुखी, राजनीति र वैचारिक स्पष्टता नेताको निरन्तरताका रूपमा हेरिएको छ । सो क्षेत्रमा नेकपाले राजमोका उम्मेद्वार अधिकारलाई सघाउने र २ नम्बर क्षेत्रमा राजमोले नेकपाका उम्मेद्वारलाई सघाउने दुई पार्टीले सहमती गरेका छन् ।
