कपिलवस्तु । राष्ट्रिय जनमोर्चाले आगामी फागुन २१ गते हुने प्रतिनिधिसभा सदस्य निर्वाचनका लागि कपिलवस्तु जिल्लाका तीनवटै निर्वाचन क्षेत्रमा आफ्‌ना उम्मेदवार टुंगो लगाएको छ ।

जसअनुसार कपिलवस्तु निर्वाचन क्षेत्र नम्बर एकबाट माधव भाट क्षेत्री, क्षेत्र नं. २ बाट लक्ष्मी पोख्रेल र क्षेत्र नं. ३ बाट  केर सिंह अदैलाई राष्ट्रिय जनमोर्चाले प्रत्यक्षतर्फ उम्मेदवार बनाइएको छ ।

कपिलवस्तुमा लामो समयदेखि राजनीतिक तथा सामाजिक आन्दोलनमा सक्रिय रहँदै आएका यी तीनैजना उम्मेदवारलाई इमानदार, निष्ठावान, सामाजिक र जनमुखी नेताका रूपमा जनताले बुझ्‌ने गरेका छन् ।