खिमराज चालिसे, भारत ।
भारतको हिमाचल राज्यको सिमलाबाट मेहनत मजदूरी गरेर कमाएको पैसा लिएर नेपाल फर्कदैगर्दा छ जना नेपालीहरू १२ जनवरी २०२५ को चंडीगढमा लुटिएका छन् ।
हिमाचलको सिमलामा नेपाली कामदारहरूले आफुसँग वर्षभरि काम गरेर कमाएको पैसा नेपाल लिएर जाने क्रममा चंडीगढमा नशिलो पदार्थ सेवन गराएर आफ्ना कर्मचारीहरू लुटेको ठेकेदार राजकुमारले बताएका छन् ।
मोतीलाल थारुसँगै मोहित थारु, सुनिल थारु, उमेश थारु, भगतराम थारु नाम गरेका कर्मचारीहरू ११ जनवरीको सिमला जिल्लाको डलीबाईपासबाट हिडेका ६ जना नेपाल जाँदैगर्दा चंडीगढमा एकाएक १२ जनवरी २०२६ को सम्पर्क बिहिन भएपछि खोजी तलासीमा तिव्रता दिइएको थियो ।
खोज तलासको दौरानमा ५ जना साथीहरू सम्पर्कमा आएका छन् भने घेरुवा गाउँपालीका ६ गौचरण जिल्ला बर्दिया निवासी पुनाराम थारुका छोरा मोतीलाल थारु वर्ष ४८ अझैसम्म सम्पर्क विहिन रहेका छन् ।
मोतीलाल थारुको खोजी कार्यमा सहयोग गर्न मनाली नगरका संयोजक रतनलाल पुनले सबैसँग अपिल गर्नु भएको छ । उनी कहि कतै भेटिएमा नजिकको मूल प्रवाह अखिल भारत नेपाली एकता समाजमा अथवा राज कुमार ८२१९७३५६२०/९४५९४१००४९ मा खबर गर्न अनुरोध गरिएको छ ।
