लोकेन्द्र पौडेल, चेन्नै ।
रोल्पा जिल्ला लुङ्ग्री गाउँपालिका–५ बडाचौर निवासी रोशन परियारको भारतको चेन्नैमा निधन भएको छ ।
जनवरी १४, २०२६ का दिन चेन्नैको तेन्नामपेट एलडेम्स रोडस्थित होटलमा उनको निधन भएको हो ।
२१ वर्षीय मृतक रोशन तिले परियारका छोरा हुन् । उनी ड्युटी सकेर कोठामा जाँदै गर्दा बाटोमा अकस्मात बान्ता गरेको र कोठामा पुग्नासाथ ढलेका थिए । सँगै काम गर्ने साथी र कम्पनी मालिकले चेन्नै रायपेटा सरकारी अस्पतालमा भर्ना गरिएका रोशनलाई डक्टरले मृत घोषणा गरेका थिए ।
घटनाको जानकारी प्राप्त हुनासाथ मूल प्रवाह अखिल भारत नेपाली एकता समाज दक्षिण भारत क्षेत्रीय समितिका सदस्य तथा चेन्नै उत्तर नगर अध्यक्ष गोपाल विक अस्पतालमा पुग्नुभएको थियो ।
मृतक रोशनको जनवरी १५ का दिन पोस्टमार्टम गरी टिप्लिकनस्थित कृष्णापेट शमसानघाटमा दाहसंस्कार गरिएको छ । दाहसंस्कारस्थलमा मूल प्रवाहका क्षेत्रीय कोषाध्यक्ष लोकेन्द्र पौडेल, क्षेत्रीय सदस्यहरू गोपाल विक, जीवन शर्मा, रोमबहादुर सापकोटा, विष्णु विक, चेन्नै पूर्व नगरका रुक्मिनी परियार, ईश्वरबहादुर सुनार, नेपाली समाजका केन्द्रीय सदस्य चन्द्र मोहरा, जुमान सुनार, निर्मल आउरी, बेगम सुनारलगायत आफन्तजनको उपस्थिति रहेको थियो ।
