नेपालगञ्ज । बाँकेमा अखिल नेपाल युवक सङ्घको नयाँ जिल्ला समिति गठन भएको छ ।
युवक सङ्घका पूर्व केन्द्रीय उपाध्यक्ष जगदीश ढकालको प्रमुख आतिथ्यमा २०८२ पुस २६ गते सम्पन्न दोस्रो भेलाद्वारा सो समिति गठन गरेको हो ।
समितिको अध्यक्षमा भरतबहादुर खड्का चयन हुनुभएको छ भने सचिवमा सावित्रा कार्की, कोषाध्यक्षमा मुना राना तथा सदस्यमा गोपाल रिजाल, कौशलप्रसाद चमार र विक्रम न्यौपाने रहनुभएको छ । सदस्यको एक स्थान हाललाई रिक्त राखिएको छ ।
अखिल नेपाल किसान महासङ्घ (अप्फा) का महासचिव तुलसी सापकोटा विशिष्ट अतिथि रहनुभएको उक्त कार्यक्रममा अखिल नेपाल महिला सङ्घकी केन्द्रीय सदस्य पूर्णकला भण्डारी, अखिल (छैठौं) बाँकेका अध्यक्ष नमराज चन्द, जातीय समता समाज बाँकेका अध्यक्ष मनबहादुर सुनार र राष्ट्रिय जनमोर्चा बाँकेका सदस्य बालाराम न्यौपानेको पनि आतिथ्य रहेको थियो ।
सावित्रा कार्कीको अध्यक्षता तथा भरत खड्काको सञ्चालनमा अघि बढेको उक्त कार्यक्रममा उपस्थित सहभागीलाई स्वागत मुना रानाले गर्नुभएको थियो ।
