सोलन । हिमचालको सोलन जिल्ला अन्तर्गत अर्की बजारमा भएको आगलागीको घटना छानविनका लागि मूल प्रवाह अखिल भारत नेपाली एकता समाजका प्रतिनिधि मण्डल घट्ना स्थलमा पुगेका छन् ।
मूल प्रवाहका केन्द्रीय सदस्य नेत्रबहादुर गुरुङको नेतृत्वमा गएको प्रतिनिधि मण्डलमा राज्य समितिका सचिव भुवन केसी, राज्य समितिका सदस्य किसन कुमार र मनबहादुर महर रहनुभएको छ ।
प्रतिनिधि मण्डलले घट्नास्थलमा पुगि घट्नाको बारेमा छानविन गरेको भुवन केसीले युगदर्शनलाई जानकारी दिए ।
केसीका अनुसार भग्नाशेष स्थानमा स्काभेटरले माटो पन्छाउँदै गरेको र मृतकहरूका ससाना टुक्राहरू फेला पारेको र उक्त टुक्राहरूको पोष्टमार्टम गर्ने प्रक्रियामा प्रशासनले कोशिस गरेको छ ।
उक्त घटनामा एउटा परिवारमा रहेका सम्पूर्ण सदस्य वितेका छन् । जसमाः श्रीमान धनबहादुर विक, श्रीमती कविता विक, छोरी राधा विक वर्ष १६, रेणुका विक वर्ष ११, रेन्जन विक २२ महिाना रहेका छन् । त्यस्तै अर्को परिवारको चारजना श्रीमान काशिराम विक, श्रीमती टिका विक, छोरी अनु विक वर्ष ८, छोरा सञ्जय वर्ष ६ को पनि निधन भएको छ । उनीहरू सल्यान जिल्ला शिवकुम्भ गापा २, टाकुरा निवासी हुन् ।
मूल प्रवाहका प्रतिनिधि मण्डलले एसडीएमलाई भेट गरि उक्त घटनामा ज्यान गुमाउनेहरूलाई क्षेतिपूर्तिका लागि जोड दिएको भुवन केसीले बताए । केसीका अनुसार मृतकहरूलाई क्षतिपूर्ति दिन एसडिएमले आस्वाशन छन् ।
