प्युठान । अखिल नेपाल युवक संघको प्युठान विशेष अभियान निरन्तर जारी छ । यसैबीच झम्रुक गाउँपालिका १ बेमौरे चौर धनगाडामा कार्यक्रम सम्पन्न गरेको छ । उक्त कार्यक्रममा संघका केन्द्रीय अध्यक्ष गणेश अधिकारी, उपाध्यक्ष चोप बहादुर बिक, त्यस्तै युवा नेता प्रकाश जिसी लगायत, सौतामारे वार्ड १ का अध्यक्ष बिजय बिक्रम जीसीको उपस्थितिमा प्रशिक्षण तथा जनभेटघाट कार्यक्रम सम्पन्न भएको छ ।
बर्तमान राजनीतिक अबस्था, अन्तर्रास्ट्रिय भु–राजनीति र त्यसको नेपालमा पारेको प्रभाव, जेनजी आन्दोलन, युवाहरूको अबस्था र समस्या एवं राजनीतिमा युवा आन्दोलनको भुमिका लगायतका विषयमा प्रशिक्षण दिइएको थियो ।
यस दौरानमा संघको सदस्यता बितरण, जनस्तरमा अन्तर्कृया समेत गर्दै अभियान निरन्तर अगाडि बढीरहेको छ ।
सो अवसरमा मन बहादुर पुनको अध्यक्षतामा संघको टोल समिति निर्माण गरिएको छ । जसमाः उपाध्यक्ष– माधब पुन मगर, सचिव– मिलन पुन, कोषाध्यक्ष– धरम पुन, सहसचिव– भेषम नेपाली लगायत पधाधिकारी रहने गरि समिति निर्माण गरिएको छ ।
त्यस्तै गरि उक्त टोलिले झिम्रुक १ बिडडाडामा पनि कार्यक्रम सम्पन्न गरेको छ ।
