खिमराज चालिसे, भारत ।
भारतमा मूल प्रवाहको सुदुर पश्चिमोत्तर क्षेत्रको चंडीगढमा मूल प्रवाह अखिल भारत नेपाली एकता समाजको सदस्यता अभियान जनवरी ११, २०२६ देखि विषेश अभियानको रुपमा शुरु गरिएको छ।
मूल प्रवाहका केन्द्रीय सचिवालय सदस्य दिनेश खड्काको प्रमुख आथित्यतामा सम्पन्न सो समारोहमा खडकाले मूल प्रवाहको केन्द्रीय समितिको गत दशौँ बैठकले यसवर्ष मूल प्रवाहले भारत व्यापी सदस्यता वितरण अभियान र आम सर्वसाधारण नेपालीहरुको डाटा तथ्याङ्क सङ्कलन अभियानलाई साथ साथै सञ्चालन गर्ने निर्णय अनुसार उक्त अभियान विधिवत रुपमा सञ्चालन गरिएको बताउनु भएको थियो। वहाले सम्वोधनका क्रममा देशमा बढदो साम्राज्यवादी चलखेल, दलहरूको अदुरदर्शीता र आगामी चुनाव बारे पनि विचार राख्नु भएको थियो ।
कार्यक्रममा बोल्ने अन्य वक्ताहरुमा मूल प्रवाह केन्द्रीय सदस्य खिमराज चालिसे, सुदुर पश्चिमोत्तर क्षेत्रीय सहसचिव तेज बहादुर रोका, सांस्कृतिक संयोजक एवं मूल प्रवाह क्षेत्रीय सदस्य जुना भण्डारी चालिसे, परिषद सदस्य थमन थापा, अखिल नेपाल किसान महासंघका केन्द्रीय सदस्य बिष्णु आचार्य, सांस्कृतिक केन्द्रीय सदस्य बिनु नेपाली, विद्यार्थी केन्द्रीय सदस्य नारायण आचार्य लगाएत हुनुहुन्थ्यो।
कार्यक्रम थानेश्वर पाण्डेको सञ्चालनमा तथा मान बहादुर केसीको अध्यक्षतामा सम्पन्न भएको हो भने स्वागत बिष्णु बेल्बासे र सांस्कृतिक कलाकारहरुले गर्नु भएको थियो ।
