काठमाडौँ । चौतर्फि रुपमा आफूले आफैलाई वैकल्पिक राजनीतिक शक्तिको रुपमा घोषणा गरेको पार्टी राष्ट्रिय स्वतन्त्र पार्टी (रास्वपा) को समानुपातिक उम्मेदवार सूचीमा समावेश व्यक्तिहरूले नाम फिर्ता लिने क्रम बढेको छ । बुधबार सिर्जना वलीसँगै उम्मेद्वारी फिर्ता लिनेको संख्या सात पुगेको छ ।

गत पुस २१ गते रास्वपा केन्द्रीय सदस्य अरनिको पाँडेले सामाजिक सञ्जालमार्फत आफुले उम्मेदवारी फिर्ता लिएको बताएका थिए । त्यस्तै टासी लाक्पा शेर्पा, गायिका त्रिशला गुरुङ, अभिनेता तथा टेलिभिजन कार्यक्रम प्रस्तोता आशिफ शाह, उद्योगी चन्द्र ढकालका छोरा सचिन ढकाल र महेन्द्र लावतीले उम्मेदवारी फिर्ता लिने घोषणा गरेका छन् ।

सो पार्टीभित्र र बाहिर नातावाद तथा पारिवारिक सम्बन्धलाई लिएर आलोचना चर्किंदै आएको छ ।