काठमाडौँ । प्युठानको झिमरुक–७ कुतामा अखिल नेपाल युवक सङ्घको प्रशिक्षणसँगै झिमरुकमा विभिन्न स्थानमा जनभेटघाट तथा प्रशिक्षण सम्पन्न भएको छ । २०८२ पुस २१ गते सोमबार सो कार्यक्रम सम्पन्न भएका हुन् ।
कार्यक्रममा युवक सङ्घका केन्द्रीय अध्यक्ष गणेश अधिकारी र अर्का केन्द्रीय सदस्य बसन्त केसीले प्रशिक्षण दिनुभएको थियो ।
प्रशिक्षकहरूले जेनजी आन्दोलनपछि देशको समसामयिक राजनीतिक परिस्थितिबारेमा छलफल चलाउनुभएको थियो ।
सो अवसरमा रक्तिम सांस्कृतिक अभियान प्युठानका उपाध्यक्ष रेकमसिंह रसायली र झिमरुक–७ का वडासदस्य राधा पर्छाईंको पनि उपस्थिति रहेको थियो ।
पहिलो टोलीको कार्यक्रम
युवक सङ्घको पहिलो टोलीले पुस २१ गते झिमरुक वडा नं. ३ ढाकाडी टोलमा घरदैलो तथा सदस्यता वितरण कार्यक्रम सम्पन्न गरेको थियो ।
अभियानमा महसचिव विष्णु पुन, वडासमितिका अध्यक्ष मीनबहादुर केसी स्थानीय कार्यकर्ताहरू चन्द्र एमसी र राजेन्द्र पुनको उपस्थिति रहेको थियो ।
त्यस्तै आहालखोला टोलमा पनि युवक सङ्घले सदस्यता वितरण तथा प्रशिक्षण कार्यक्रम सम्पन्न गरेको छ । सो स्थानमा उपस्थित सहभागीलाई महासचिव विष्णु पुन र राजमो प्युठानका जिल्ला सदस्य केशरजङ्ग एमसीले प्रशिक्षण दिनुभएको थियो ।
दोस्रो टोलीको कार्यक्रम
त्यस्तै दोस्रो टोलीले पुस २१ गते नै कुटेडाँडा, सिस्नेखोला, रोटेपानी टोलमा भेटघाट तथा प्रशिक्षण कार्यक्रम सम्पन्न गरेको छ ।
सो कार्यक्रममा युवक सङ्घका कार्यकर्ताहरू नवराज केसी तथा वीरबहादुर जिसीले प्रशिक्षण दिनुभएको थियो ।
दोस्रो टोलीले आजै समलधारा बेओरे टोलमा सदस्यता वितरण तथा प्रशिक्षण कार्यक्रम सम्पन्न गरेको छ । सहभागीलाई नवराज केसी र वीरबहादुर जिसीले प्रशिक्षण दिनुभएको थियो ।
कार्यक्रमको अध्यक्षता नरेन्द्रप्रसाद पोख्रेलले, सञ्चालन विनोदकुमार विकले गर्नुभएको थियो ।
त्यस्तै भेडाबारी टिलहाल्ना टोलमा सम्पन्न भेटघाट तथा प्रशिक्षण कार्यक्रममा पनि नवराज केसी र वीरबहादुर जिसीको नेतृत्व रहेको थियो भने बाँझाडिही आहालबेसी टोलमा पनि उहाँहरूकै नेतृत्वमा भेटघाट तथा प्रशिक्षण कार्यक्रम सम्पन्न भएको थियो ।
कौरलपाटा–आफ्रेखोलामा महिला सङ्घको समिति
अभियानको क्रममा कौरलपाटा–आहालखोलामा अखिल नेपाल महिला सङ्घको भेला सम्पन्न भएर टोल समिति गठन भएको छ ।
वीरबहादुर जिसीकोको प्रमुख आतिथ्य रहेको सो कार्यक्रममा भीमबहादुर कार्कीको अध्यक्षता तथा नवराज केसीको सञ्चालन रहेको थियो ।
भेलाले जमुना विक अध्यक्ष रहनुभएको टोल समिति गठन गरेको छ ।
समितिको सचिवमा रमा परियार, कोषाध्यक्षमा जुना परियार तथा सदस्यहमा समिता परियार, कमला सुनार (क), कमला विक (क), कमला परियार, छमा विक, सरस्वता सुनार, सीता विक, तिला परियार, उजेला विक, सिर्जना विक, गीता कार्की, कमला सुनार (ख), माया परियार र कमला विक (ख) रहनुभएको छ ।
संयुक्त अभियान चलाइँदै
दुवै टोलीले पुस २२ गते सिमलेनी धरमपानी टोल, कोटफेरा मैदान टोल हुँदै वडा नं. ३ को अभियान समाप्त गर्ने योजना रहेको आयोजकले जानकारी दिएको छ ।
