भारतको सुदुर पश्चिमोत्तर क्षेत्रको हिसारमा मूल प्रवाह अखिल भारत नेपाली एकता समाजको नगर समिति हिसारले जनवरी ४, २०२६ देखि मूल प्रवाहको विषेश सदस्यता अभियान शुभारम्भ गरेको छ।
मूल प्रवाहका केन्द्रीय सदस्य एवं सुदुर पश्चिमोत्तर क्षेत्रीय अध्यक्ष तारा सोमरेको प्रमुख आतिथ्यतामा सम्पन्न सो समारोहमा सोमरेले मूल प्रवाहको केन्द्रीय समितिको गत दशौँ बैठकको निर्णय अनुसार यसवर्ष मूल प्रवाहले भारतव्यापी सदस्यता वितरण अभियान र आम सर्वसाधारण नेपालीहरूको डाटा तथ्याङ्क संकलन अभियानलाई साथसाथै सञ्चालन गर्ने बताउनु भयो । उक्त अभियान विधीवत रुपमा सञ्चालन गरिएको सोमरेको भनाई थियो।
कार्यक्रममा मूल प्रवाह सुदुर पश्चिमोत्तर क्षेत्रीय सदस्यहरू लाल बहादुर चुदाली र ओम प्रकाश तिवारी, महिला क्षेत्रीय सदस्यहरू सीता पोख्रेल र चन्द्रा सोमरेको पनि आतिथ्यता रहेको थियो।
उक्त समारोहमा महिला नगर सदस्य बिष्नु जिसी, सिटि एरिया ‘ए’ का नितु खड्का र कमल क्षेत्री, सिटी ‘बि’ का अनिल रास्कोटी र बाबुराम क्षेत्री लगाएतले मन्तव्य दिनुभएको थियो ।
कार्यक्रम कमला बगालेको सञ्चालनमा तथा सेति रानाको अध्यक्षत र मन बहादुर घर्तीमगरले स्वागत मन्तव्य दिनुभएको थियो।
