काठमाडौँ । अमेरिकाले भेनेजुयलामाथि गरेको सैन्य आक्रमण विरुद्धमा अखिल छैठौँ सहित विभिन्न विद्यार्थी संगठनहरूको संयुक्त आयोजनामा काठमाडौँस्थित अमेरिकी दूतावास अगाडि विरोध प्रदर्शन गरिएको छ ।

अखिल छैठौँका अध्यक्ष सुभास जिसीले सो विरोध सभालाई सम्बोधन गर्दै अमेरिकी साम्राज्यवादले जहाँ जतिवेला चाह्यो त्यतिवेला सियो बनेर छिर्ने र हात्ती बनेर निस्कने गरेको बताए ।

‘अमेरिकी साम्राज्यवादले एक लाख प्यालेस्टाइनी जनलाई निर्मम् र विभत्सरुपमा हत्या गरेको परिदृष्य संसारले देखेको छ ।’ जिसी अगाडि भने– ‘इरान माथि गरेको नाङ्गो हस्तक्षेप पनि संसारका जनताले देखिरहेका छन् । अहिले त्यही प्रकृतिको घटना भेनेजुयलाका राष्ट्रपति दम्पत्तीलाई रातारात गिरफ्‌तार गरेर वासिङटन पुर्‍याइएको छ ।’

जिसीले नेपालमा पनि अमेरिकी दूतावासले विभिन्न युथ फोर्स गर्ने लगायतका विभिन्न गतिविधिहरू गरिरहेको छ, त्यसलाई रोक्नुपर्नेमा जिसीले जोड दिएका थिए ।

एमाले सम्वद्द अखिलका महासचिव अञ्जना शिवाकोटी, विप्लव निकट अखिल समाजवादीका अध्यक्ष नरेन्द्र सी, अखिल क्रान्तिकारी नेकपा सम्वद्द उपाध्यक्ष मदन ढकाल, वैज्ञानिक समाजवादी विद्यार्थीका अध्यक्ष हिमांशु, नेकपा वहुमत निकट क्रान्तिकारीका अध्यक्ष  बिरेन्द्र शाह, वैद्य निकट क्रान्तिकारीका अध्यक्ष महेश श्रेष्ठ र माधव नेपाल निकट अनेरास्ववियुका अध्यक्ष महेश श्रेष्ठले सम्बोधन ।