बुटवल । अमेरिकाले भेनेजुयलामाथि गरेको सैन्य आक्रमण विरुद्ध रुपन्देहीको बुटवलमा विरोध प्रदर्शन गरिएको छ ।
अमेरिकाले भेनेजुयलामाथि गरेको सैन्य आक्रमणको चौतर्फी विरोध भइरहेको अवस्थामा चार राजनीतिक दलले संयुक्त २०८२ पुस २० गते सोमबार एक कार्यक्रम आयोजना गरी विरोध जनाएका हुन् ।
रुपन्देहीका नेपाल कम्युनिस्ट पार्टी (मसाल), नेपाल कम्युनिस्ट पार्टी माओवादी, राष्ट्रिय जनमोर्चा र क्रान्तिकारी कम्युनिस्ट पार्टीले सोमबार बुटवलमा संयुक्त कार्यक्रमको आयोजना गरेका थिए ।
अमेरिकी आक्रमण विरुद्ध विश्वभरका आमजनतालाई सचेत हुन आग्रह गर्दै अमेरिकी साम्राज्यवादले साना र कमजोर मुलुकलाई आफ्नो कब्जा ल्याउने गरी भेनेजुयलामाथि गरेको उक्त कार्यक्रममा बोल्ने दलका नेताले बताए ।
कार्यक्रममा वामपन्थी नेता चेतनाथ आचार्य, राष्ट्रिय जनमोर्चाका नेता बद्रे आलम, क्रान्तिकारी कम्युनिस्ट पार्टीका नेता पे्रम सुवेदी र नेपाल कम्युनिस्ट पार्टीका नेता शरद वलीले बोल्दै भेनेजुयलामाथिको अमेरिकी सैन्य काक्रमण बन्द गर्न माग गरे ।
उनीहरुले भेनेजुयलाका राष्ट्रपति निकोलस मदुरोलाई तुरुन्त रिहा गर्नुपर्ने बताउँदै अमेरिकी साम्राज्यवादबाट संसारका मानव जाति आक्रान्त भएको बताए ।
भेनेजुयलामा भएको खनिज तथा पेट्रोलियम पदार्थगायत माथि आँखा लगाएको अमेरिकाले भोलि नेपालमाथि पनि आक्रमण गर्न सक्ने बताउँदै वक्ताहरूले अमेरिकाले नेपाललाई प्रान्त बनाउन खोजेकाले समयमै सचेत हुनका लागि आमनेपालीलाई आग्रह गरे ।
अहिले भेनेजुयलामाथि ड्रग्स कारोबारसम्बन्धी आरोप अमेरिकाको बहाना भएको बताउँदै उनीहरूले अमेरिकी साम्राज्यवादका कारण तेस्रो विश्वयुद्धको खतरा बढ्दै गएको बताए ।
