अर्घाखाँची । राष्ट्रिय जनमोर्चा जिल्ला समिति अर्घाखाँचीले आज पुस १८ गते अर्घाखाँचीको सन्धिखर्कमा वृहत सभा हुँदै सन्धिर्खको शान्ति बगैचामा वृहत जागरण सभा गर्न गइरहेको छ ।
सभालाई भव्य बनाउनका लागि विभिन्न पालिका तथा वडास्तरका समितिहरूमा बैठक बसी व्यापक तयारीमा रहेको जिल्ला अध्यक्ष थम्मन केसीले युगदर्शनलाई जानकारी दिनुभयो ।
केसीका अनुसार कार्यक्रम सफल पार्नका लागि विभिन्न स्थानहरूबाट बस तथा साना ठूला गाडिको व्यवस्था भएको छ । दिउसो ठिक १२ : ३० बाजेबाट शुरुहुने उक्त कार्यक्रम सफल पार्नका लागि रक्तिम सांस्कृतिक अभियानका कलाकारहरूले गीत तथा नृत्यको तयारीका लागि साताव्यापी रुपमा लागेका छन् । रक्तिमका केन्द्रीय अध्यक्ष गिरीप्रसाद बुढा सन्धिखर्क मै रहि कलाकारहरूलाई प्रशिक्षित गर्दै आउनुभएको छ ।
कार्यक्रममा राजमोका महासचिव मनोज भट्ट, लुम्बिनीप्रदेशका अध्यक्ष बोम बहादुर खत्री सन्धिखर्क पुगिसक्नुभएको छ ।
वर्तमान राजनीतिक अवस्था, प्रतिगामी तत्वहरूबाट गणतन्त्रमाथि बढ्दै गइरहेको हमला, राष्ट्रिता माथि पर्दै गइरहेको समस्या तथा देशमा बढ्दै गइरहेको साम्राज्यवादी हस्तक्षेपका बारेमा आम जनतालाई सचेत गराउने उदेश्यले नै यो कार्यक्रम आयोजना गरिएको जिल्ला अध्यक्ष केसीले बताउनु भयो ।
