वीरेन्द्रनगर । राष्ट्रिय जनमोर्चा सुर्खेतको आयोजनामा प्रचारात्मक सभा सम्पन्न भएको छ ।
केन्द्रीय उपाध्यक्ष जनकराज शर्माको प्रमुख आतिथ्यमा २०८२ पुस १७ गते बिहीबार सो कार्यक्रम सम्पन्न भएको हो ।
कार्यक्रममा मन्तव्य राख्दै उपाध्यक्ष शर्माले देशमा अमेरिकी साम्राज्यवादको प्रत्यक्ष हस्तक्षेप बढ्दै गएको धारणा राख्नुभयो ।
अमेरिकी साम्राज्यवादको चलखेल बढ्दै जाँदा लोकतन्त्र र धर्मनिरपेक्षतासँगै राष्ट्रियतामाथि समेत खतरा बढेको धारणा उहाँको थियो ।
कार्यक्रममा राजमो केन्द्रीय सदस्य रत्नविक्रम प्यासी, राजमो कर्णाली प्रदेश समितिका अध्यक्ष पूर्णबहादुर शाही, नेपाल कम्युनिस्ट पार्टी (मसाल) सुर्खेतका प्रवक्ता मोहन थापामगर, अखिल नेपाल महिला सङ्घकी केन्द्रीय सदस्य कृष्णा रावल, मूल प्रवाह अखिल भारत नेपाली एकता समाजका प्रतिनिधि रत्नबहादुर खड्का, राजमो कालिकोटका सल्लाहकार अजय गिरीलगायतको उपस्थिति थियो ।
कार्यक्रमको सञ्चालन राजमो सुर्खेतका सचिव विष्णुप्रसाद शर्माले, स्वागत उपाध्यक्ष भूपेन्द्रबहादुर नेपालीले र अध्यक्षता जिल्ला अध्यक्ष गोविन्दप्रसाद सुवेदीले गर्नुभएको थियो ।
कार्यक्रमपूर्व मङ्गलगडी चोक हुँदै बजार परिक्रमण गरी पिपलचौतारीसम्म जुलुस प्रदर्शन गरिएको थियो । सोही जुलुस पछि सभामा परिणत भएको थियो ।
