प्यूठान । अखिल नेपाल जनजाति सम्मेलनको एक महिने संगठनात्मक अभियान निरन्तर रुपमा चलिरहेको । यस दौरानमा विभिन्न स्वर्गद्वारी नगरपालिका र माण्डवी गाउँपालिकाका विभिन्न वार्ड तथा टोलहरूमा जनभेटघाट, सभा, कोणसभा, संगठन विस्तार लगायतका कार्यक्रमहरू चलिरहेका छन् ।
यसै बिच हिंजो पुस १६ गते, माण्डवी गाउँपालिकाको वडा नम्बर ४ स्थित उदयपुरकोटमा भेला सम्पन्न भएको छ । भेलामा सम्मेलनका महासचिव अमरध्वज राना, राष्ट्रिय जनमोर्चा प्यूठान जिल्लाका सदस्य नरेन्द्र खड्का, जिल्ला सदस्य लालबहादुर रावतले समसामयिक विषय, अभियानको उद्देश्यका बारेमा प्रशिक्षण दिनुभएको थियो ।
जनजाति सम्मेलन ४ नम्बर वडा समितिः
भेलाले डोम बहादुर बाठा मगरको अध्यक्षतामा जनजाति सम्मेलन वडा नम्बर ४ समिति गठन गरेको छ । जसमाः उपाध्यक्ष– बसन्ती बाठामगर, सचिव– निमा घर्तिमगर, कोषाध्यक्ष– जंग बहादुर बुढामगर, सदस्यहरूमाः अम्मरबहादुर बाठमागर, प्रकाश बाठामगर, केशव बाठामगर, पदम थापा र एक स्थान रिक्त रहेको छ ।
जातिय समता समाज ४ नम्बर वडा समितिः
अध्यक्ष– जिवा सार्की, उपाध्यक्ष– सिता नेपाली, सचिव– सुमित्रा नेपाली, कोषाध्यक्ष– कमला नेपाली रहनुभएको छ । त्यस्तै सदस्यमाः गंगा नेपाली, तिर्सना नेपाली, गिर बहादुर सार्की, मान बहादुर सागर र तिलबहादुर नेपाली रहनुभएको छ ।
