बासुदेव पोख्रेल ##
भृकुटी टि.भी.मा डा.विजय मिश्रको एउटा अन्तवार्ता प्रसारित भएको छ । त्यसमा उनले रवि, कुलमान र बालेनका बिचको एकता प्रक्रियाबारे कैयौँ विचारहरू प्रकट गरेका छन् । त्यसबाट उनीहरूको वास्तविक चरित्रलाई बुझ्नको लागि मदत पुग्नेछ भन्ने आशा गर्न सकिन्छ । त्यसबाट उनीहरूको चरित्र मात्र होइन, उनीहरूको सम्पूर्ण राजनीतिक गतिविधि समेत साम्राज्यवादी शक्तिहरूद्वारा सञ्चालित भएको कुरा बुझ्न पनि गाह्रो पर्दैन । त्यसबारे देशमा कैयौँ चर्चा वा परिचर्चा हुने गरेका छन् । डा. मित्रको भनाईले पनि त्यही कुरातिर संकेत गर्दछ ।
उनले रवि, कुलमान र बालेनलाई एमसीसीवादी बताएका छन् । उनले यो पनि बताएका छन् कि पश्चिमाहरूले लाठी हानेर उनीहरूलाई मिल्न लगाएका हुन् । त्यसरी उनले “अमेरिकन अमेरिकन एक” भएको बताएका छन् । त्यसैले उनीहरूले एमसीसी, नेपालको राजनीति र राष्ट्रिय संकटबारे एक शब्द नबोलेको कुरा पनि त्यो अन्तरर्वातामा बताईएको छ । उनीहरूका वक्तव्यहरूमा खाली प्रधानमन्त्री वा सभापती पदबारे मात्र सहमती गरेको बताईन्छ । तर त्यो अर्न्तवार्तामा जलाउनेहरू एक ठाँउमा भएको कुरा पनि बताईएको छ । त्यो कुराको चर्चा गर्दै त्यो अर्न्तवार्तामा यो पनि बताईएको छ कि सर्वोच्चमा रविका मुद्दाहरू वा मिसिल भएको हुनाले त्यसलाई जलाउने काम गरिएको थियो । जहाँ जहाँ उनका मुद्दाका मिसिलहरू थिए, त्यहाँ त्यहाँ जलाउने काम गरिएको थियो ।
उनको अन्तवार्तामा बालेन पहिले अमेरिकी नियोगको युथप्रन्टको संस्थापक संयोजक रहेको कुरा पनि बताईएको छ ।
माथि डा. मिश्रले अगाडि ल्याएका तथ्यहरूले गम्भीर अर्थ राख्दछन् । आज देशमा रविप्रति जुन लोकप्रियताको लहर आएको भनिन्छ, त्यसको वास्तविक चरित्रलाई बुझ्नका लागि डा. मिश्रले गरेको संक्षिप्त चर्चाबाट धेरै नै मदत पुग्ने आशा गर्न सकिन्छ । ती तथ्यहरूले बताउछन् कि रविप्रति देखापरेको त्यस प्रकारको लोकप्रियता वास्तविकता माथि भन्दा लोकप्रियतावादी जस्तो गलत सोचाइको आधारमा नै बनेको कुरा प्रस्ट छ ।
नेपालको राजनीतिमा पश्चिमा साम्राज्यवादी शक्तिहरूले जुन प्रकारको खेलवाड गरिरहेका छन्, त्यसप्रति देशका बुद्धिजीवीहरू वा आम जनताको पनि अत्यन्त कम ध्यान जाने गरेको छ । त्यसैको परिणाम हो कि त्रिमुर्तिलाई देशको राजनीति माथि चलखेल गर्ने अवसर प्राप्त भएको छ । ती तीन मुर्तिलाई डा. मिश्रको व्याख्या अनुसार अमेरिकन त्रिमुर्ति पनि भनेमा सायद फरक पर्ने छैन । यो स्पस्ट छ कि उनीहरूले नेपालको हित भन्दा अमेरिकाको साम्राज्यवादी हितलाई अगाडि बढाउन नै आफ्नो गतिविधि अगाडि बढाइरहेका छन् ।
ती तीन मुर्तिको साथमा सुदन गुरुङको भूमिकालाई पनि सँगै राखेर हेरेमा अवश्य पनि फरक पर्ने छैन । किनभने उनले नै ती तीन जनालाई एकै ठाँउमा मिलाउन पर्दा पछाडिबाट काम गरिरहेको बताइरहेका छन् । जहाँसम्म उनको प्रश्न उनी ता ‘स्वतन्त्र त्तिब्बत’ समर्थक पनि रहेको कुरा सार्वजनिक नै भएके छ । त्यसरी उनी पूरै नै अमेरिकी साम्राज्यवादको समर्थक भएको कुरामा कुनै संका रहन्न । उनको बारबरा फाउण्डेससँगको सम्बन्ध र त्यसबाट प्रमुख रुपले करोडौँ रुपैयाँ लिएको कुराबाट पनि उनले नेपालमा अमेरिकी साम्राज्यवादको हीतको पक्षमा नै योजनावद्ध प्रकारले काम गरेको कुरा पनि प्रस्ट छ ।
त्यसरी नेपालमा अमेरिकाले ठूलो सञ्जाल बनाएर नेपालमा आफ्नो रणनीति पूरा गर्न प्रयत्न गरेको कुरामा कुनै संका रहन्न । त्यस प्रकारको पृष्ठभूमिमा डा. मिश्रले जुन तथ्यहरू बहिर ल्याउने काम गरेका छन्, त्यो प्रसंशनिय कार्य हो । त्यसप्रति देशभक्त नेपाली जनताको ध्यान जान कति आवश्यक छ ? त्यो कुरा दिनको उज्यालो झैँ छर्लंग छ ।
