भोपाल । मूल प्रवाह अखिल भारत नेपाली एकता समाज भोपाल नगर समितिको आयोजनामा वर्ष २०२५ वनभोज कार्यकम भोपालको धन्वन्त्री पार्कमा सम्पन्न भएको छ ।
बिहान १० बजेदेखि साझ ५ बजेसम्म मूल प्रवाहले निमन्त्रणा गरेका संघ, संस्थाबाट अथितिहरू एवं मूल प्रवाह कार्यकर्ता र साधारण सदस्यसम्मको उपस्थिति रहेको थियो ।
कार्यक्रमको अध्यक्षता अर्जुन जिएमले र सञ्तचालन सोनु थापाले गर्नु भएको थियो । कार्यक्रममा मूल प्रवाह केन्द्रीय समितिका सदस्य ताल बहादुर खड्काको प्रमुख आतिथ्यता रहेको थियो । त्यस्तै कार्यक्रममा मूल प्रवाह क्षेत्रबाट नारायण सापकोटा, सुरेश नारायण पाण्डे, महिला क्षेत्रबाट लक्ष्मी रोकामगर, विभिन्न संघ संस्थाबाट आतिथ्यता रहेको थियो ।
नगर समितिका उपाध्यक्ष केसव खड्काद्वारा स्वागत मन्त्ब्य पश्चात रक्तिमले गितद्वारा स्वागत गरिएको थियो ।
सोही अवसरमा बोर्ड परिक्षामा ए पल्स ग्रेड ल्याइ पास भएका विद्यार्थीहरूलाई सम्मान गरिएको थियो । त्यस्तै कलाकार एवं ज्येष्ठ नागरिकहरूलाई पनि सम्मान गरिएको थियो ।
