भिवानी । मूल प्रवाह अखिल भारत नेपाली एकता समाज नगर समिति भिवानीको आयोजनामा सभा सम्पन्न भएको छ । सभालाई समाजका केन्द्रीय सल्लाहकार ठाकुर खनालले प्रमुख अतिथिको आसनबाट सम्बोधन गर्नुभएको थियो ।
प्रमुख अतिथि खनालले देशको समसामयिक राजनीतिक विषयमा स्पष्ट पार्नुभएको थियो । प्रवासी नेपालीले मताधिकारबाट बञ्चित हुने सम्भावना बढ्दै गएको बताउनु भयो । चुनाव आउन करिब ६५ दिनमात्रै बाँकि छ, तर प्रवासी नेपलीलाई कसरी निर्वाचनमा सहभागि गराउन सकिन्छ भन्ने बारे निर्वाचन आयोगन नभएको खनालले बताउनु भयो । खनालले यसपाली पनि प्रवासी नेपालीको मताधिकारको माग पुरा नभएता पनि आफूहरू आन्दोलित रहने बताउनु भयो ।
सभामा वरिष्ठ उपाध्यक्ष कपिल खनाल, केन्द्रीय सचिव शालिकराम आचार्यले पनि मन्तव्य दिनुभएको थियो । केन्द्रीय समता विभागबाट मोहन सिंह बिक, क्षेत्रीय महिला विभागबाट हस्तु देवी बिक, नगर समिति भिवानीका संस्थापक सदस्य वीरबहादुर कोपिलाले शुभकामना मन्तव्य राख्नुभएको थियो ।
त्यस्तै श्याम बिक, नारायण परियार, रमेश जिसी, श्रीमती अमित्रा बिक, टुक बहादुर अर्यालले पनि कार्यक्रममा समिक्षा मन्तव्य राख्नुभएको थियो ।
नगर समितिका अध्यक्ष डिलबहादुर भट्टराई को अध्यक्षता नगर समितिका सचिव गोवर्धन विकले सञ्चालन गर्नुभएको थियो। सर्वप्रथम सहिदहरूको सम्झनामा एक मिनेटको मौनधारणको पश्चात उपस्थित अतिथिहरू लगायत भेला सम्पन्न पार्न उपस्थित हुनुभएका सम्पूर्णलाई कार्यकर्ताहरूलाई नगर समितिका उपाध्यक्ष श्री जमान सिंह विक ले शब्दद्वारा स्वागत गर्नुभएको थियो।
नगर समितिका उपसचिव मणिराम अधिकारीले आम्दानी तथा खर्च घोषणा गर्नुभएको थियो ।
नगर समितिका अध्यक्ष डिलबहादुर भट्टराईको अध्यक्षता, नगर समितिका सचिव गोवर्धन बिकले सञ्चालन र उपस्थित हुनुभएका सम्पूर्णलाई नगर समितिका उपाध्यक्ष जमान सिंह विकले शब्दद्वारा स्वागत गर्नुभएको थियो।
सोही अवसरमा २०८२ मा शुभदिपावलीमा खेलिएको देउसी भैलोको समिक्षा गरिएको थियो ।
