भरतपुर । रक्तिम सांस्कृतिक अभियान चितवनको सातौँ जिल्ला भेला सम्पन्न भएको छ ।
केन्द्रीय उपाध्यक्ष मोहराज शर्माको प्रमुख आतिथ्यमा २०८२ पुस १२ गतेका दिन राष्ट्रिय जनमोर्चा चितवन जिल्ला कार्यालयमा सो भेला सम्पन्न भएको हो ।
प्रमुख अतिथि शर्माले उद्घाटन गर्नुभएको उक्त कार्यक्रममा विशिष्ट अतिथि राजमो केन्द्रीय सदस्य डम्मर पुरी हुनुहुन्थ्यो ।
भेलामा अखिल नेपाल ट्रेड युनियन महासङ्घ (अन्टुक) का केन्द्रीय सदस्य डमर केसी, रक्तिमका बागमती इन्चार्ज देवी शर्मा, राजमो चितवनका अध्यक्ष अमरबहादुर छेत्री, अखिल नेपाल जनजाति सम्मेलन चितवनका अध्यक्ष जितबहादुर थापा, अखिल नेपाल किसान महासङ्घ (अप्फा) चितवनका नेता विष्णु पौडेललगायतको आतिथ्य रहेको थियो ।
भेलाको अध्यक्षता कृष्ण केसीले र सञ्चालन युवराज पौडेलले गर्नुभएको थियो ।
भेलाले कृष्ण केसी अध्यक्ष रहनुभएको सदस्यको एक स्थान रिक्तसहित नौ सदस्यीय जिल्ला समिति गठन गरेको छ ।
समितिको उपाध्यक्षमा गोपाल शर्मा, सचिवमा टिकाराम सुवेदी, कोषाध्यक्षमा सूर्यबहादुर थापा तथा सदस्यमा पुष्पा थापा, नितु गुरुङ भुजेल, आकृत नेपाल र युवराज पौडेल रहनुभएको छ ।
भेलाले मोहराज चालिसे र देवी शर्मालाई सल्लाहकारमा चयन गरेको छ ।
समितिलाई विशिष्ट अतिथि पुरी, राजमो नेताहरू रविशङ्कर शर्मा चालिसे, भीमलाल शर्मा, माया शर्मा पौडेल र अखिल (छैठौं) चितवनकी मेनुका केसीले बधाई तथा सफल कार्यकालको शुभकामना व्यक्त गर्नुभएको थियो ।
