तौलिहवा । कपिलवस्तु जिल्लाको शिवराज नगरपालिका–४ को चनईगाउँमा राष्ट्रिय जनमोर्चाको गाउँभेला सम्पन्न भएको छ ।
राजमो कपिलवस्तुका सचिव केरसिंह अदैको प्रमुख आतिथ्यमा २०८२ पुस ११ गते शुक्रबार सो कार्यक्रम सम्पन्न भएको हो ।
सो अवसरमा मन्तव्य राख्दै उहाँले वर्तमान राजनीतिक परिस्थितिमा राजमोका नीति–कार्यक्रमको बारेमा प्रकाश पार्नुभयो ।
जनतालाई बारम्बार धोका दिने काम ठुला दलबाट भएको बताउँदै उहाँले जनता सचेत हुनुपर्ने बताउनुभयो ।
कार्यक्रममा राजमो कपिलवस्तुका सदस्य रामबहादुर चमारले पनि मन्तव्य राख्नुभएको थियो ।
भेलाले सरिफ खान अध्यक्ष रहनुभएको सल्लाहकारसहित १५ सदस्यीय राजमो चनइ गाउँ समिति गठन गरिएको छ ।
समितिको उपाअध्यक्षमा सेवक पासी, सचिवमा अनिता पासी, सहसचिव झिगरु दुनिया र कोषाध्यक्ष बालेश्वर पासी रहनुभएको छ ।
एवम् प्रकारले सदस्यहरूमा भुन्दु नाउँ, मोहमद अली, गङ्गादेवी पासी, निवास पासी, रामदास मुराउ, अमिन पासी, वैकल्पिक सदस्यमा अजोरी पासी, शिवा कलवार तथा सल्लाहकारमा तारामती लोहार र पवन गुप्ता रहनुभएको छ ।
भेला सेवक पासीको अध्यक्षता, पवन गुप्ताको सञ्चालन र बलेश्वर पासीको स्वागत मन्तव्य रहेको थियो ।
