दाङ । अखिल (छैठौँ) को राप्ती गाउँपालिकास्तरीय प्रशिक्षण कार्यक्रमसहित पालिका भेला सम्पन्न भएको छ ।
२०८२ पुस १० गते बिहीबार आयोजित सो भेलामा सङ्गठनात्मक सिद्धान्त, वर्तमान शैक्षिक अवस्था, विद्यार्थी आन्दोलनको भूमिकालगायतका विषयमा प्रशिक्षण दिइएको थियो ।
कार्यक्रममा राजमो केन्द्रीय सदस्य तथा दाङ जिल्ला अध्यक्ष गणेश आचार्य, राष्ट्रिय जनमोर्चा लुम्बिनी प्रदेश सल्लाहकार सुरेश थापा र अखिल (छैठौँ) दाङका अध्यक्ष सेवक भट्टराईले प्रशिक्षणात्मक मन्तव्य राख्नुभएको थियो ।
पालिका समिति गठन
कार्यक्रमलगत्तै अखिल (छैठौँ) का जिल्ला सदस्य विकास विष्टको उपस्थितिमा राप्ती पालिकास्तरीय २५ सदस्यीय नयाँ समिति गठन गरिएको छ ।
समितिको अध्यक्षमा निराजन शर्मा चयन हुनुभएको छ भने उपाध्यक्षमा नितु आचार्य, सचिवमा विकास विष्ट, सहसचिवमा प्रतिमा थापा र कोषाध्यक्षमा सुशान्त थापा चयन हुनुभएको छ ।
त्यस्तै, सदस्यमा सागर पन्थी, भूपेन्द्र सुनार, प्रेमलाल चौधरी, आयुष अधिकारी, सबिना पौडेल, सौगात घर्ती, सङ्गीतामैया मगर, अरुणा पुन, ईसा भैयामगर, विपना आचार्य, अनिता घर्तीमगर, सन्ध्या आचार्य, अनिशा थापा, सिर्जना मगर, सम्झना पौडेल, सतीश पौडेल, शिक्षा सुवेदी र शर्मिला भुसाल रहनुभएको छ ।
