खिमराज चालिसे, भारत ।
मूल प्रवाह अखिल भारत नेपाली एकता समाज हिमाचल राज्य समिति सदस्य एवं मनाली नगर अध्यक्ष साईला लामाको दुखद निधन भएको छ । उहाँ ५९ वर्षका हुनुहुन्थ्यो । लामोको आज डिसेम्बर २३, २०२५ का दिन निधन भएको राज्य समितिका अध्यक्ष विरु श्रेष्ठले जानकार दिनुभएको छ ।
स्मृति शेष साईला लामा लामो समयदेखि हिमाचलस्थित नेपालीहरूका हकहितको पक्षमा जुझारु रुपमा संघर्षरत सामाजिक नेता हुनुहुन्थ्यो । उहाँको दुखद निधनले हिमाचल राज्य समिति शोकमग्न भएको श्रेष्ठले बताउनु भएको छ ।
सिन्धुपाल्चोक जिल्लाको जुगल गाउँपालीका तेम्बाथाङ चैतारा स्थायी निवासी लामा केहि समय पहिला स्वदेश जानु भएको थियो । उहाँको आज अपरान्ह काठमाडौँमा निधन भएको परिवारले बताएको छ ।
उहाँको निधनप्रति मूल प्रवाह हिमाचल राज्य समिति अध्यक्ष विरू श्रेष्ठले एक शोक वक्तव्य जारी गर्दै एउटा जेहेन्दार कार्यकर्ता गुमाउँदा संगठनमा गम्भीर क्षति भएको बताउनुभएको छ ।
