बाग्लुङ । जातीय समता समाज जिल्ला समिति, बागलुङको छैठौँ बागलुङ जिल्ला भेला भब्य रुपमा सम्पन्न भएको छ ।
जिल्ला अध्यक्ष नर बहादुर सुनारको अध्यक्षता, सचिव टिका संगम विकको सञ्चालन र सल्लाहकार खडक विश्वकर्माको स्वागत मन्तव्यबाट शुरुभएको छैठौँ जिल्ला भेलाको उद्घाटन भेलाका प्रमुख अतिथि जातीय समता समाजका केन्द्रीय अध्यक्ष एवं राष्ट्रियसभाका सांसद राजेश विश्वकर्माले पानसमा दीप प्रज्वलन गरी गर्नुभएको थियो ।
आफ्नो उद्घाटन मन्तव्यको क्रममा प्रमुख अतिथि विश्वकर्माले जातीय एवं सामाजिक विभेद अन्त्यका लागि सम्पुर्ण दलित समुदायहरूको एकता र शसक्त आन्दोलन हुनुपर्ने बताउनु भयो ।
उद्घाटन समारोहमा राष्ट्रिय जनमोर्चाका केन्द्रीय सदस्य दिल बहादुर विक, केन्द्रीय सल्लाहकार एवं जिल्ला समन्वय समिति बागलुङका प्रमुख अमरबहादुर थापा, राष्ट्रिय जनमोर्चाका गण्डकी प्रदेश कमिटिका उपाध्यक्ष धर्मबहादुर कँुवर, बागलुङ जिल्ला अध्यक्ष एवम काठेखोला गाउँपालिकाका उपाध्यक्ष तिलक थापा, अखिल नेपाल महिला संघका केन्द्रीय उपाध्यक्ष लक्ष्मी बास्कोटा, राष्ट्रिय जनमोर्चा जिल्ला सचिवालय सदस्य एवं काठेखोला गाउँपालिका, वडा नं. ४ तंग्रामका वडा अध्यक्ष लक्ष्मण पुन, अखिल नेपाल शिक्षक संघ बागलुङका जिल्ला सदस्य कमला थापा, अखिल नेपाल युवक संघ बागलुङका जिल्ला सदस्य प्रदीप पुन, अखिल नेपाल भुतपुर्व सैनिक संघ बागलुङका जिल्ला सचिव थिरबहादुर राना, अखिल नेपाल किसान संघ बागलुङका जिल्ला सदस्य दिलबहादुर पुन, जातीय समता समाज काठेखोला गाउँपालिकाका अध्यक्ष सर बहादुर परियार लगायतका अतिथिहरूले भेला सफलताको शुभकामना व्यक्त गर्नुभएको थियो ।
भेलाले नर बहादुर सुनारको अध्यक्षतामा ११ पुर्ण, ४ बैकल्पिक गरी १५ सदस्यीय जातीय समता समाज जिल्ला समिति, बागलुङको नयाँ कार्य समिति चयन गरेको छ । जस्माः उपाध्यक्ष– रनबहादुर विक गल्कोट, सचिव– टिकासंगम विक, कोषाध्यक्ष– शेरबहादुर विक, सहसचिव– विष्णुकली दर्जी, सदस्यहरूमाः भिमबहादुर विक बिक्रम सिरपाली, अमर नेपाली, नरबहादुर विक, दिलबहादुर विक र मिनबहादुर दर्जी रहनुभएको छ भने बैकल्पिक सदस्यहरूमा हिमाल सुनाम, क्षेमबहादुर विक, जमुना विक चयन हुनुभएको छ भने एक स्थान रिक्त राखिएको छ ।
त्यसैगरी भेलाले दिलबहादुर दर्जी, खडक विक, पनबहादुर विक र रामकुमार विकलाई सल्लाहकारमा चयन गरेको छ । त्यसैगरी नरबहादुर सुनार, रनबहादुर विक, टिकासंगम विक, शेरबहादुर विक र विष्णुकली दर्जी रहेको ५ सदस्यीय सचिवालय पनि गठन गरेको छ ।
भेलामा प्रतिनिधि प्रव्यक्षक सहित २५० जना भन्दा बढी जनाको सहभागीता रहेको थियो । भेलाले जिल्लाका सबै पालिकाहरूमा जिल्ला भेला सन्देश सभाका विविध कार्यक्रम सञ्चालन गर्ने निर्णय गरेको छ ।
