शिव पन्थी, प्यूठान ।
एक महिने सांगठनिक अभियान अन्तर्गत अखिल नेपाल जनजाति सम्मेलन आज स्वर्गद्वारी नगरपालिका–४, बाझिपुरमा एक आम भेला सम्पन्न भएको छ ।
कार्यक्रमको बिरमान विकको अध्यक्षता, इमान सिंह खड्काको सञ्चालनबाट अगाडि बढेको सको भेलामा सहभागिहरूलाई केयर सिंह पुन मगरले स्वागत गर्नुभएको थियो ।
कार्यक्रम अखिल नेपाल जनजाति सम्मेलनका केन्द्रीय अध्यक्ष निम बहादुर बुढाथोकीको प्रमुख आतिथ्यता रहेको थियो ।
त्यसतै महासचिव अमरध्वज राना, उपाध्यक्ष उषा पुन, सचिव राम बहादुर जि.एम., राजमो जिल्ला सदस्य, इन्द्र बहादुर खड्का, अखिल नेपाल महिला संघ स्वर्गद्वारी नगर अध्यक्ष लक्ष्मी पन्थीले अतिथि आसनग्रहण गर्नुभएको थियो ।
वक्ताहरूले भेलामा भ्रष्टाचार र बेथितिको विरोध, सुशासन, समानता, समावेशिता तथा जनजाति अधिकार एवं संगठन सुदृढीकरण गर्दै जनताको पक्षमा एकताबद्ध संघर्ष आवश्यक रहेको कुरामा जोड दिएका थिए ।
उक्त भेलाले अखिल नेपाल महिला संघ तथा जातीय समता समाजको वार्ड समिति गठन गरेको छ । नवगठित समितिलाई शिव पन्थीले सफल कार्यकालको शुभकामना तथा बधाई व्यक्त गर्नुभएको थियो ।
