काठमाडौँ । नेकपा (मसाल) ले भारतको हरियाणास्थित रोहतकमा कार्यरत विक्की परियारको निधन भएकोमा श्रद्धाञ्जली तथा शोकसन्तप्त परिवारप्रति समवेदना व्यक्त गरेको छ ।
महामन्त्री मोहनविक्रम सिंहको हस्ताक्षरमा २०८२ पुस ४ गते शुक्रबार शोकमन्तव्य जारी गर्दै श्रद्धाञ्जली तथा समवेदना व्यक्त गरिएको हो ।
अर्घाखाँची जिल्ला शीतगंगा–८ सितापुर निवासी परियार हाल मूल प्रवाह अखिल भारत नेपाली एकता समाजको कार्यकर्ता हुनुहुन्थ्यो ।
यस्तो छ, शोकवक्तव्यको पूर्ण पाठ :
“अर्घाखाँची जिल्ला शीतगंगा–८ सितापुर निवासी हाल भारतको हरियाणा रोहतकमा श्रम तथा व्यवसाय गर्दै आउनु भएका का. विक्की परियार (का. लुम्बिनी) २०८२ पौष ०३ तदानुसार डिसेम्बर १८, २०२५ का दिन मृत्यु भएको छ । हामीले उहाँको मृत्युप्रति गहिरो दुःख व्यक्त गर्दै सन्तप्त परिवारजनप्रति हार्दिक समवेदना प्रकट गर्दछाँ ।
कामरेड विक्की हाम्रो पार्टीको सदस्य हुनुहुन्थ्यो । उहाँ भारतस्थित नेपालीहरुको सर्वप्रिय संगठन मूलप्रवाह अखिल भारत नेपाली एकता समाजमा लामो समयसम्म कार्यरत रहनु भएको थियो । उहाँले हाम्रो पार्टीका विभिन्न तहका समितिमा रहेर सक्रियतापूर्वक आफ्नो जिम्मेवारी पूरा गर्नुभएको थियो । उहाँ हाम्रो पार्टीको अनुशासित, सक्रिय, जुझारु, कर्तव्यनिष्ट र प्रतिवद्ध सदस्य हुनुहुन्थ्यो । उहाँको मृत्युबाट हाम्रो पार्टीको आन्दोलनमा गम्भीर क्षति भएको छ ।
अन्तमा हामीले उहाँप्रति हार्दिक श्रद्धाञ्जली व्यक्त गर्दछाँ ।”
