काठमाडौँ । मूल प्रवाह अखिल भारत नेपाली एकता समाज नगर समिति रोहतकका कोषाध्यक्ष स्मृतिशेष विक्की परियारको निधनप्रति केन्द्रीय समितिका महासचिव त्रिभुवन भट्टराईले शोक व्यक्त गर्नुभएको छ ।
परियारको डिसेम्बर १८, २०२५ का दिन ४६ वर्षको अल्पायुमै भएको असामयिक तथा दुखद निधनको थियो । बिगत ५ दिनदेखि बिरामी भई रोहतकस्थित पिजीआई अस्पतालमा उपचाररत विक्कि परियारको उपचारको क्रममा निधन भएको थियो ।
विक्की नेपालमा अर्घाखाँची जिल्ला शितगंगा नगरपालिका २ नेपाने स्थायी घर भई हाल भारतको रोहतकमा कार्यरत धनबहादुर दर्जीका छोरा हुन् । उहाँका श्रीमती, दुई छोरा र दुई छोरी हुनुहुन्छ ।
महासचिव भट्टराईले विक्की परियारको निधन खबरले हाम्रो संगठन स्तब्ध र मर्माहत भएको बताउनु भएको छ । ‘परियार संगठनका एक इमानदार, अनुशासित सदस्य हुनुहुन्थ्यो’, भट्टराईले लेख्नुभएको छ– ‘हाम्रो संगठन विक्की परियारप्रति भावपूर्ण श्रद्धाञ्जली अर्पण गर्दै शोकाकुल परिवारजनप्रति समवेदना प्रकट गर्दछ ।’
