काठमाडौँ । नेकपा एमालेको अध्यक्ष पदमा केपी शर्मा ओली र महासचिवमा शंकर पोखरेल विजयी भएका छन् ।
लगातार तेस्रो कार्यकाल पार्टी अध्यक्षमा निर्वाचित हुँदै ओलीले ‘ह्याट्रिक’ गरेका हुन् । उनी ०७१ साउन यता निरन्तर पार्टी अध्यक्षको जिम्मेवारीमा छन् । पोखरेलले लगातार दोश्रोपटक महासचिव पदमा पुगेका हुन् । ओलीले १ हजार ६६३ मत मतसहित निर्वाचित भए भने पोखरेलले १ हजार २२८ मत प्राप्त गरेका छन् ।
त्यस्तै उपाध्यक्षमा विष्णु पौडेल, पृथ्वी सुब्बा गुरुङ, रघुजी पन्त जित हासिल गरेका छन् ।
उपमहासचिव तर्फ लेखराज भट्ट, रघुविर महासेठे, विजयी भएका छन् भने सचिवमा सम्पूर्ण ओली प्यानलबाट विजयी भएका छन् । जसमाः छविलाल विश्वकर्मा, भानुभक्त ढकाल, पद्यमा अर्याल, खगराज अधिकारी, यामलाल कँडेल, राजन भट्टराई, शेरधन राई, हिक्मत कार्की र महेश वस्नेत रहेका छन् ।
त्यस्तै ईश्वर पोखरेल प्यानलबाट दुई पदाधिकारी विजयी भएका छन् । उपाध्यक्षमा गोकर्ण विष्ट र उपमहासचिवमा योगेश भट्टराई विजयी भएका हुन् । विष्टले उपाध्यक्षमा १३६८ मत पाएका छन् भने उपमहासचिवमा योगेशले १३४८ मत पाएका छन् ।
