संसारभर पाइने हजारौँ तरकारीमध्ये रायोको साग दोस्रो बढी पोषणयुक्त तरकारीमा पर्छ भन्ने तथ्य धेरैलाई थाहा नहुन सक्छ । जाडो मौसममा बढी उपलब्ध हुने रायोको साग स्वादका हिसाबले मात्र नभई स्वास्थ्यका दृष्टिकोणले समेत निकै लाभदायक मानिन्छ ।
पोषणविद्हरूका अनुसार रायोलाई पकाएर, काँचै वा सिजनिङ गरेर खान सकिन्छ । यद्यपि, धेरै पकाउँदा यसमा रहेका पोषण तत्व न`ष्ट हुन सक्ने भएकाले सन्तुलित रूपमा पकाउनु बुद्धिमानी हुन्छ ।
यस्ता छन् रायोका फाइदाहरू:
भिटामिनको भण्डार
रायोको साग भिटामिन ‘ए’, ‘सी’ र ‘के’ को राम्रो स्रोत हो । यी तत्वले शरीरमा एन्टिअक्सिडेन्टको काम गर्छन् । भिटामिन ‘ए’ प्रशस्त पाइने हुनाले रतन्धो, पुरानो बाथ र कफजस्ता समस्याबाट बच्न रायो निकै उपयोगी हुन्छ । साथै, बारम्बार रुघाखोकी लागिरहने मानिसले भिटामिन ‘सी’ प्राप्त गर्न रायोको साग खानु फाइदाजनक हुन्छ ।
गर्भवती र वृद्धवृद्धाका लागि सञ्जीवनी
शरीरमा भिटामिन ‘के’ को कमी हुँदा गर्भवती महिलालाई वाकवाकी लाग्ने र टाउको दुख्ने समस्या हुन्छ । रायोमा भिटामिन ‘के’ प्रचुर मात्रामा पाइने भएकाले यसको सेवनले गर्भवतीका समस्या हल गर्न मद्दत गर्छ ।
त्यस्तै, जाडोयाममा विशेषगरी वृद्धवृद्धालाई बाथ र हड्डी दुख्ने समस्याले सताउने गर्छ । रायोमा पाइने ‘कपर’ नामक तत्वले यो समस्या समाधानमा ठुलो भूमिका खेल्छ ।
शरीरको शुद्धीकरण र पाचनमा सहयोग
रायोको सागमा पाइने फोलिक र म्याग्नेसियमले शरीरमा रहेका विभिन्न विकारयुक्त (विषाक्त) वस्तुलाई बाहिर निकाल्न मद्दत गर्छ । पाचन प्रणाली कमजोर भएकाहरूका लागि पनि रायो अचुक औषधि हो । रायोको दाना पिसेर तरकारीमा हाली खाँदा पाचन प्रक्रिया बलियो बन्ने र भोक नलाग्ने समस्यासमेत हट्ने गर्छ ।
ग`म्भीर रोगको जोखिम कम
नियमित रूपमा रायोको साग खाँदा पिसाबनलीमा हुने पत्थरीलाई कम गर्न सकिन्छ । अझ महत्त्वपूर्ण कुरा, यसको नियमित सेवनले क्या`न्सरजस्तो घा`तक रोगको जोखिमलाई समेत न्यूनीकरण गर्ने अध्ययनहरूले देखाएका छन् ।
तसर्थ, आफ्नो भान्सामा रायोको सागलाई नियमित समावेश गरी स्वस्थ जीवनशैली अपनाउन विज्ञहरूले सुझाव दिएका छन् ।
