काठमाडौँ । आज एमालेको ११औँ महाधिवेशनको चौथो दिन हो । आजसम्म उक्त पार्टी केन्द्रीय समिति चयन प्रक्रियामा नै केन्द्रित रहेको छ । त्यस सन्दर्भमा विभिन्न प्रतिनिधिहरूले दावा विरोध कायम राख्दै गर्दा १९ जना केन्द्रीय सदस्यहरू निर्विरोध भएका छन् ।
जसमाः केन्द्रीय अनुशासन आयोगको अध्यक्षमा प्रा डा भरतराज पहारी निर्विरोध निर्वाचित भएका छन् । त्यस्तै अनुशासन आयोग मानै उपाध्यक्षमा चक्र बहादुर पराजुली, सचिवमा डा. राजेन्द्र घिमिरे निर्विरोध भएका छन् ।
केन्द्रीय लेखा आयोग अध्यक्षमा डा. पुष्पराज कँडेल निर्विरोध भएका छन् । त्यस्तै लेखा आयोगमा नै उपाध्यक्षमा घनन्द्र राज घिमिरे तथा सचिवमा ईश्वरी प्रसाद खरेल निर्विरोध भएका छन् ।
लुम्बिनी प्रदेशबाट केन्द्रीय सदस्य महिला कोटबाट गुमा देवी आचार्य (गोमा), मेनका कुमारी पोखरेल र शान्ति देवी ढकाल निर्विरोध भएका छन्।
युवा कोटाबाट लिलामणि गौतम निर्विरोध भएका छन्।
मधेशी क्लस्टर युवा कोटाबाट अमर कुमार यादव र रोनित शाह निर्विरोध भएका छन्।
मुस्लिम क्लस्टरमा महिला कोटाबाट खाजिदा खातुन सिद्धिकी निर्विरोध भएकी छिन्।
श्रमिक क्लस्टर महिला कोटाबाट कमला देवी तामाङ र सिता लामा निर्विरोध भएका छन् ।
पिछडिएको क्षेत्र महिला कोटाबाट वदमी क्वारी बुढा (बोहरा) निर्विरोध भएकी छिन्।
प्रवास क्षेत्र अन्तर्गत दक्षिण एसिया कोटाबाट हरि प्रसाद घिमिरे निर्विरोध भएका छन्।
केन्द्रीय खुला युवा कोटाबाट नरेश रोकाया र सुशील कुमार थापा निर्विरोध भएका छन्।
गत २७ गते उद्घाटन गरिएको उक्त महाधिवेशनमा २२६६ जना प्रतिनिधिहरूको सहभागिता रहेको छ । प्राप्त समाचार अनुसार आज दिनभरि नै मतदान र परिणाम आउन समय लाग्ने बताइएको छ ।
सो पार्टीको महाधिवेशनले १९ पदाधिकारी, ४५ सदस्यीय स्थायी कमिटी ९९ सदस्यी पोलिटव्यूरो र ३०१ जना केन्द्रीय समिति चयन गर्ने निश्चित गरिएको छ ।
