बेंगलोर । अखिल भारत नेपाली एकता समाज अन्तर्गत टाउन हाल एरिया समिति नै संगठन मूल प्रवाह अखिल नेपाली एकता समाजमा फर्किएका छन् ।
विगतमा मूल प्रवाह अखिल भारत नेपाली एकता समाज बेंगलोर दक्षिण नगर समिति अन्तर्गत काम गर्दै आएका उनीहरू भ्रममा परि अखिल भारत नेपाली एकता समाजको बेंगलोर दक्षिण नगर समितिको नगर र एरिया समितिमा जिम्मेवारी बहन गर्दै आएका थिए ।
तर अखिल भारत नेपाली एकता समाजको गलत कार्यशैली, गैर जिम्मेवारी कार्य, व्यक्तिवादी प्रवृत्ति बढ्दै गएको, जनतामा गरिने भ्रामक गतिविधि र नीतिमा नै समस्या देखापरेका कारण उनीहरूले संयुक्तरुपमा वक्तव्य जारी गरी पुनः पुरानै संगठन मूल प्रवाह अखिल भारत नेपाली एकता समाजमा फर्केका छन् ।
टाउनहाल एरिया समितिका अध्यक्ष दीपक भण्डारी, उपाध्यक्ष तथा नगर सदस्यः ललित दयाल, सचिव तिलकराज भट्टराई, सहसचिव सुरेश विक, सदस्य तिलक कामी, प्रदिप विक र दिपक विक मूल प्रवाह अखिल भारत नेपाली एकता समाजमा प्रवेश गरेका हुन् । उनीहरूलाई केन्द्रीय वैकल्पिक सदस्य नरेश विकले सदस्यता प्रमाण पत्र प्रदान गर्नुभएको छ ।
