कावासोती । नवलपुरमा राष्ट्रिय जनमोर्चाद्वारा जनचेतनासभा सम्पन्न भएको छ ।
राजमो पूर्व केन्द्रीय सचिव कृष्ण अधिकारीको प्रमुख आतिथ्यमा २०८२ मङ्सिर २४ गते दण्डामा सो कार्यक्रम सम्पन्न भएको हो ।
सभामा राजमो केन्द्रीय सदस्य दीपक पाण्डे, अखिल नेपाल ट्रेड युनियन महासङ्घ (अन्टुक) का केन्द्रीय सदस्य शालिकराम सापकोटा, जातीय समता समाजकी केन्द्रीय उपाध्यक्ष लक्ष्मी विक, अखिल नेपाल युवक सङ्घका केन्द्रीय सदस्य धनबहादुर सूर्याकमगर, तराई मधेस जनवादी मोर्चाका महासचिव रूपनारायण महतो, रक्तिम सांस्कृतिक अभियानका केन्द्रीय सदस्य भक्तबहादुर उचैको आतिथ्य रहेको थियो ।
त्यस्तै कार्यक्रममा अखिल नेपाल जनजाति सम्मेलनका जिल्ला अध्यक्ष विकाराम चौधरी, अखिल नेपाल किसान महासङ्घ (अप्फा) का जिल्ला अध्यक्ष भीमप्रसाद आचार्य, युवक सङ्घका सल्लाहकार गोविन्द अम्माई, समताका जिल्ला अध्यक्ष गोविन्द विक, अखिल नेपाल महिला सङ्घकी जिल्ला सचिव सीता सापकोटा, रक्तिमका जिल्ला अध्यक्ष कृष्ण गिरी, राजमो गैँडाकोटका अध्यक्ष होमनाथ पराजुली, राजमो हुप्सेकोटका अध्यक्ष मानबहादुर लामाको आतिथ्य रहेको थियो ।
भेलापछि दण्डाको सहिदचोकमा कोणसभा सम्पन्न भएको थियो ।
सभालाई राजमो पूर्व सचिव अधिकारी, राजमो केन्द्रीय सदस्य पाण्डे, समताकी उपाध्यक्ष विक, अन्टुकका केन्द्रीय सदस्य सापकोटा र नेकपा (मसाल) नवलपुरका प्रवक्ता चन्द्र सापकोटाले सम्बोधन गर्नुभएको थियो ।
दुवै स्थानका सभा राजमो नवलपुरका अध्यक्ष गिरबहादुर महतराको अध्यक्षता तथा खिलेश्वरी धितालको सञ्चालनमा उक्त कार्यक्रम अघि बढेको थियो । पहिलो कार्यक्रमममा स्वागत मन्तव्य होमनाथ पराजुलीले गर्नुभएको थियो ।
