चन्डिगढ । भारतको चन्डिगढबाट अगस्त १५, २०२५ को आफ्ना तिन छोरा–छोरीहरू र श्रीमानलाई छोडेर सम्पर्क विहिन भएकी मीना विकको खोजी कार्यक्रममा मूल प्रवाह अखिल भारत नेपाली एकता समाजले पहल गरेको छ ।
वर्ष ३५ की मिना विक पञ्जाव राज्यको नवाशहरमा आफ्नो श्रीमान मनबहादुर विक, एक छोरी र दुई छोराहरूलाई छाडेर सम्पर्क विहिन भएको उनका श्रीमान मन बहादुर विकले बताएका छन् । केहि समयदेखि चन्डिगढ सेक्टर ४३ स्थित एक पिजीमा काम गर्दै र बस्दै आइरहेकी मीना विक सम्पर्कविहिन भएपछि सर्वत्र खोजी तलासी गर्दा पनि न भेटिएपछि खोजी तलासीको लागि श्रीमानले मूल प्रवाह अखिल भारत नेपाली एकता समाजमा निवेदन दिएका छन् ।
निज मीना विकलाई कुनै महानुभावले भेटे वा देखेमा नजिकको मूल प्रवाह अखिल भारत नेपाली एकता समाजमा अथवा मनबहादुर विक +918968273103/8289063303 मा जानकारी दिनुहुन विनम्र अनुरोध गरिन्छ ।
