काठमाडौँ । मिराज ढुंगानासहितको जेनजी समूहले सिंहदरबार गेटमा प्रदर्शन गरेका छन् ।

ढुंगाना नेतृत्वको ‘गरिखान देऊ’ समूह सिंहदरबार छिर्न खोजे पनि प्रहरीले रोकेको थियो । सिंहदरबार छिर्न नपाएपछि उनीहरूले कालोपट्टी बाँधेर प्रदर्शन गरेका छन्।

आज मंगलबार बिहान प्रधानमन्त्री सुशीला कार्कीसहितलाई भेट्ने भनेर पुगेका उनीहरूलाई प्रहरीले धकेलेर अनामनगर पुर्‍याएको ढुंगाना समुहको आरोप छ ।

अनामनगरको पुर्वेली भान्छा घरको परिसरबाट उनीहरूलाई अन्त जान दिइएको छैन । त्यहाँ पनि उनीहरूले कालोपट्टी बाँधेर विरोध प्रदर्शन गरेका हुन् । त्यसबीच ढुंगाना लगायतले प्रहरीलाई धकेलाधकेल समेत गरेका छन् ।

ढुंगानाको टोली सोमबार पनि सिंहदरबार प्रवेश गर्न खोजेको थियो। तर प्रवेश नपाएपछि उनीहरू बाहिरै गेटमा पर्चा टाँसेर फर्किएको थियो ।