काठमाडौं । राष्ट्रिय स्वतन्त्र पार्टी (रास्वपा) का काठमाडौं जिल्ला अध्यक्ष प्रदीप विष्टले आफ्‌नो पदबाट राजीनामा दिएका छन् । उनले मंसिर ५ गते पार्टी महामन्त्री कविन्द्र बुर्लाकोटीलाई सम्बोधन गर्दै लेखिएको राजीनामा यतिवेला विभिन्न मिडीयाहरूमा सार्वजनिक भएको छ।

राजीनामा पत्रमा विष्टले पार्टीभित्र देखिएका विभिन्न समस्या, बेथिति, पारदर्शिताको कमी र निर्णयहीन अवस्था रहेको लेखेका छन् । उक्त समस्याको समाधानका लागि आफूले पटक–पटक नेतृत्वलाई अवगत गराउँदै आएको समेत राजीनामा उल्लेख छ ।

‘अब थप आश्वासन र वाणीमा निर्भर भएर काम गर्न सक्ने अवस्था छैन’ भन्दै उनले राजीनामाको पत्र जारी भएको मितिबाट लागू हुने गरी पद त्यागेको उल्लेख गरेका छन् ।

विष्ट २०७९ सालको प्रतिनिधिसभा निर्वाचनमा काठमाडौं क्षेत्र नम्बर १० बाट पनि उम्मेदवार बनेका थिए।