चेन्नई । मूल प्रवाह अखिल भारत नेपाली एकता समाज चेन्नई पश्चिम नगर समितिद्वारा सञ्चालित अम्बतुर ‘सी’ एरिया समिति अन्तर्गत काटुर ‘बि’ टोल समिति निर्माण गरिएको छ । सो समिति सन्तोष थापाको पहल तथा रेश बहादुर सुनारको बिशेष सकृयतामा गठन गरिएको हो ।
सन्तोष थापाको अध्यक्षता तथा दक्षिण भारत क्षेत्रीय सचिवालय सदस्य बुद्धिराम पौडेलको प्रमुख आतिथ्यतामा सम्पन्न भएको भेलामा चेन्नई पश्चिम नगर सचिवालय सदस्य गंगा थापा, उपाध्यक्ष प्रकाश नेपाली, काटुर ‘ए’ टोलबाट रेशबहादुर सुनार, सुनीता कुंवर, सांस्कृतिक विभागका संयोजक डिलबहादुर जिएम, चेन्नई पूर्व नगर समितिका सदस्य सुनिल नेपाली र सम्झना नेपाली लगायतले अतिथि आसनग्रहण गर्नुभएको थियो ।
ज्ञात अज्ञात शहिदहरूको सम्झनामा एक मिनेट मौनधारण सहित शुरु गरिएको सो भेलामा सहभागिहरूलाई प्रकाश नेपाली र सांस्कृतिक बिभागका कलाकारहरूले स्वागत गर्नुभएको थियो ।
भेलाको उद्घाटन बुद्धिराम पौडेलले गर्नुभएको थियो । संगठनको संक्षिप्त इतिहास, बिगतदेखि बर्तमान उचाईसम्म ल्याई पुर्याउन श्रमजीवी प्रवासी नेपालीहरूको महत्वपूर्ण भूमिका र योगदान रहेको मन्तव्य दिनुभएको थियो । भेलाले अमर सुनारको अध्यक्षतामा ११ पूर्ण २ वैकल्पिक र २ सल्लाहकार रहनेगरी १५ सदस्सीय काटुर ‘बि’ टोल समिति गठन गरेको छ ।
जसमाः उपाध्यक्ष– बिक्रम क्षेत्री, सचिव– दुर्गा विश्वकर्मा, सहसचिव– चन्द्र बहादुर क्षेत्री, कोषाध्यक्ष– पम्फा दर्जी, सदस्यहरूमाः शुक्रराज विश्वकर्मा, लेख बहादुर विश्वकर्मा, मनोज लोहार, रोशन क्षेत्री, डोल्मा तामाङ, डिल सुनार वैकल्पिक सदस्यहरू : सम्झना शर्मा, कुमारी विश्वकर्मा सल्लाहकार सदस्यहरूमाः मञ्जित दर्जी र बल बहादुर विश्वकर्मा हुनुहुन्छ ।
नवनिर्वाचित समितिलाई नगर समितिका सदस्य डिल बहादुर जिएमले बधाई दिनुभएको थियो भने भेलाको सञ्चालन नगर सचिव किशोर शर्माले गर्नुभएको थियो ।
