चेन्नई । मूल प्रवाह अखिल भारत नेपाली एकता समाजका केन्द्रीय सदस्य केशमान नेपालीको अन्तिम संस्कार गरिएको छ ।
दिनांक नोभेम्बर १४, २०२५ का दिन चेन्नईको अम्बतुरस्थित डनलप शवदाह गृहमा नेपालीको अन्तिम संस्कार गरिएको हो ।
दुई मिनेट मौनधारण सहित मूल प्रवाह अखिल भारत नेपाली एकता समाजका केन्द्रीय सदस्य चन्द्र बहादुर थापाले संगठनको झण्डा ओढाएर मूल प्रवाह केन्द्रीय समितिको शोक वक्तव्य पढेर सुनाउनु भएको थियो । संक्षिप्त शोक मन्तव्य पनि राख्नुभएको थियो ।
त्यसैगरी केन्द्रीय सदस्य काशिराम शर्मा, समाजसेवी महेन्द्री बस्याल, प्रवासी नेपाली संघ केन्द्रीय सदस्य सिमा शर्मा न्यूरेले पनि स्मरण गर्दै शोक मन्तव्य राख्नुभएको थियो ।
शोकसभाको सञ्चालन दक्षिण भारत क्षेत्रीय सदस्य किशोर शर्माले गर्नुभएको थियो । सो समयमा श्रीमती पदममाया नेपाली लगायत छोरीहरू कोपिला नेपाली, गीता नेपाली, बिष्ना नेपाली ज्वाईंहरू मनिलाल नेपाली, आर. गुप्ता सहित आफन्तजन, ईष्टमित्र, मूल प्रवाहका नेता कार्यकर्ता, मित्र संगठनका साथीहरू, कम्पनी स्टाफहरू, स्थानीय बासिन्दाहरू, शुभचिन्तकहरुको व्यापक उपस्थिति रहेको थियो ।
नेपाली जिल्ला बाग्लुङ जैमिनि नगरपालिका ८, छिस्ती घर भई बाबा हस्त बहादुर नेपाली र आमा रमा नेपालीका छोरा हुनुहुन्छ । उहाँ चार महिना अगाडिदेखि क्यान्सर जस्तो घातक रोगसँग लड्दै आउनु भएको थियो । नेपालीको नोभेम्बर १३, को राती करिब दश बजे निधन भएको थियो ।
