चेन्नई । उपचारको क्रममा देहान्त भएकी अस्मिता परियारको चेन्नई स्थित कृष्णपेटे समसान घाटमा दाहा संस्कार गरिएको छ । अस्मिताको नोभेम्बर ४, २०२५ का दिन दाहासंस्कार मूल प्रवाह अखिल भारत नेपाली एकता समाज का साथीहरू र आफन्तजनहरूको उपस्थितिमा गरिएको हो ।

प्युठान जिल्ला प्युठान नगरपालिका २ दाखा क्वाडी ढाडा निवासी दुर्गाबहादुर परिवारको नौ वर्षीय छोरी अस्मिता परिवार लामो समयदेखि मिर्गीको बिमारी रहेको र नोभेम्बर ३, २०२५ का दिन उपचारको लागि चेन्नईको सरकारी हस्पिटल रायपेटमा भर्ना गरिएको थियो ।

उपचार कै क्रममा नोभेम्बर ४, २०२५ का दिन डाक्टरहरूले अस्मिताको निधन भएको जानकारी परिवारजनलाई दिएका थिए । घटनाको जानकारी मूल प्रवाह अखिल भारत नेपाली एकता समाज चेन्नाई उत्तर नगर समितिमा प्राप्त भएलगत्तै उत्तर नगर समितिका अध्यक्ष गोपाल बिक र केन्द्रीय सदस्य काशीराम शर्माको उपस्थितिमा हस्पिटल प्रशासनिक प्रक्रियाहरू पूरा गरिएको थियो ।