जालन्धर । मूल प्रवाह अखिल भारत नेपाली एकता समाज जालन्धर नगर समितिले २०८२ को देउसीभैलो कार्यक्रमको समिक्षा गरेको छ । भारतको पंजाब राज्यको जालन्धरमा मूल प्रवाको देउसीभैलो समिक्षा भेला २ नोबेम्बर २०२५ को आइतबार सम्पन्न भएको छ ।
प्रमुख अतिथि मूल प्रवाहका केन्द्रीय सचिव एवं सुदुर पश्चिमोत्तर क्षेत्रीय सचिव कुल बहादुर बगालेले सम्बोधन गर्दै तिहारमा खेलिने देउसीभैलोको सांस्कृतिक विभागको भुमिका र बालबालीकाहरुको सहभागीले देउसी भैलो उत्कृष्ट भएको बताउनु भएको थियो ।
हिमप्रसाद सुनामको अध्यक्षता तथा लक्ष्मण खड्काको सञ्चालनबाट कार्यक्रम अगाडि बढेको थियो । कार्यक्रममा सहभागिहरूलाई लक्ष्मी थापाले मन्तव्यद्वारा स्वागत गर्नुभएको थियो ।
कार्यक्रममा केन्द्रीय सदस्य जीतमान थापा, महिला केन्द्रीय सदस्य शुष्मा खड्का र अखिल भारत नेपाली विद्यार्थी संघ केन्द्रीय सदस्य शिखर गाहा लगायतले मन्तव्य दिनुभएको थियो ।
त्यस्तै रामु बिक गिरी रसाइली, इन्दिरा कुँवर, रोशनी बस्याल, रमा बिष्ट, संजीत बस्याल, मधुकर भण्डारी, वासुदेव पौडेल, लक्ष्मी थापा, जमुना गाहा, कविता थापा, अमृता बिष्टले सुझावहरू राखेका थिए ।
समिक्षा कार्यक्रममा यसपटक मूल प्रवाह जालन्धरद्वारा देउसीको भैलोको दौरानमा सदस्यता अभियान पनि चलाईको थियो । संगठनले सदस्यता अभियान र देउसी भैलोलाई सहयोग गर्ने आम जनता र सांस्कृतिक विभाग समेत सहभागी सबै भैलो टिमका सदस्यहरूलाई धन्यवाद प्रकट गरिएको थियो ।
