खिमराज चालिसे, चन्डिगढ ।
भारतको राजस्थान श्रीगङ्गानगरमा मूल प्रवाह अखिल भारत नेपाली एकता समाजको नगर समितिका पूर्व सदस्य तथा दुईओटा एरियाका अध्यक्षसमेत रहनुभएका रामप्रसाद भण्डारी निधन भएको छ ।
६५ वर्षको उमेरमा अक्टोबर अक्टुबर २७, २०२५ का उहाँको निधन भएको हो ।
स्मृतिशेष रामप्रसाद लामो समयदेखि क्यान्सर रोगबाट ग्रसित हुनुहुन्थ्यो । उहाँको निधन दाङ जिल्लाको राप्ती गाउँपालिका–८ लालमटियास्थित आफ्नै घरमा भएको थियो ।
करिब सन् १९९३–९४ तिर मूल प्रवाहको सदस्यता लिएर निरन्तर क्रियाशील रहँदै आउनुभएका रामप्रसाद पछिल्लो समय स्वास्थ्य समस्याका कारण स्वदेशमा रहेर उपचाररत हुनुहुन्थ्यो ।
प्युठान जिल्लाको लुपलुङमा जन्मनुभएका रामप्रसादको निधनप्रति मूल प्रवाहका महासचिव त्रिभुवन भट्टराईले शोक व्यक्त गर्नुभएको छ ।
त्यस्तै मूल प्रवाहको श्रीगङ्गानगर नगर समितिले पनि भण्डारीप्रति भावपूर्ण श्रद्धाञ्जली अर्पण गर्दै शोकसन्तप्त परिवारप्रति समवेदना प्रकट गरेको छ ।
