गणेश अधिकारी, पोखरा ।
कास्कीमा क्रियाशील विभिन्न राजनीतिक दल तथा संघ संस्थाहरुले अमेरिकी सहयोग मिलेनियम च्यालेन्ज कर्पोरेसन (एमसीसी) सम्झौता खारेजीको माग गर्दै बुधबार विरोध प्रदर्शन गरेका छन् ।
नेकपा (मसाल) कास्कीका प्रवक्ता चन्द्रबहादुर केसीको अध्यक्षतामा भएको विरोध सभामा बोल्ने वक्ताहरुले एमसीसी नेपालको राष्ट्रिय हित विपरित भएकाले कुनै पनि हालतमा स्वीकार गर्न नहुने बताएका थिए ।
कार्यक्रममा राष्ट्रिय जनमोर्चा गण्डकी प्रदेश समितिका अध्यक्ष शंकर बराल, देशभक्त जनगणतान्त्रिक मोर्चा कास्कीका संयोजक तिलक पराजुली, नेकपा माओवादी जिल्ला सचिव भोजराज त्रिपाठी, नेकपा (क्रान्तिकारी माओवादी) का प्रदेश सचिव केश बहादुर परियाले सम्बोधन गर्नु भएको थियो ।
नेकपा क्रान्तिकारी (माओवादी) का केन्द्रीय सदस्य निश्चलको सञ्चालनबाट अघि बढेको कार्यक्रममा रक्तिम साँस्कृतिक अभियान र संगम सांस्कृतिक मन्च नेपालका कालाकारहरुले विभिन्न जनवादी गीत तथा नृत्य प्रस्तुत गरेका थिए ।
