नयाँ दिल्ली । मूल प्रवाह अखिल भारत नेपाली एकता समाजले भारत व्यापी देउसीभैलो कार्यक्रम सम्पन्न पार्दैछ ।
हाम्रा रिपोर्टर खिमराज चालिसेले दिएको जानकारी अनुसार मूल प्रवाहले भारतका विभिन्न क्षेत्रीय समितिहरू अन्तर्गत नगर समितिले विभिन्न स्थानहरूमा जनभेटघाटका साथसाथै देशको राजनीतिक अवस्था, सांस्कृतिक पहिचान एवं जनचेतना अभिवृद्धिका लागि समेत देउसीभैलोबाट दिने गरेको छ ।
प्राप्त समाचार अनुसार श्रीगंगानगर, हिसार, चण्डीगढ, बठिंडा, जालन्धर, पञ्चकुला डेरावासी, लुधियाना, रोपड, करनाल, सोनिपत, भिवानी, रोहतक, गुरुग्राम, फरीदावाद, नयाँ दिल्ली, दिल्ली, भिवाडी, जयपुर उत्तर तथा दक्षिण, आगरा, रेवाडी, चेन्नई पूर्व, पश्चिम, उत्तर, दक्षिण, पाण्डेचरी, नेल्लोर, सिताम्बरम, कोयम्बटोर, निलगिरी, हैदरावादमा संयुक्त, नागपुर, मुम्बई, पुना पूर्व, पुना पश्चिम, रायगढ, तारापुर, दमन, वापी पश्चिम, वापी पूर्व, सिलवास, सचिन, सुरत, भोपाल, कानपुर, गोरखपुर, प्रयागराज, परवाणु, सोलन, रामपुर, भावनगर, रिकङपियो, कुल्लु, गुवाहटी, कोहिमा, लाडरुम्बाई, भुवनेश्वर, कटक लगायतका स्थिानहरूमा मूल प्रवाहले देउसीभैलो आयोजना गरेको छ ।
भैलो भाईटिकाका दिनसम्म खेलिने बताइएको छ । चेन्नईका चार नगर समितिहरूमा संयुक्त, हैदरवादका तीन नगर समितिहरू संयुक्त भैलो आयोजना गरिएकता पनि अन्य स्थानमा नगर समितिहरूले स्वतन्त्र पहलमा भैलो सम्पन्न पार्ने छन् ।
