तेहरान । इरानका विदेशमन्त्री सैयद अब्बास अराघचीले गाजा युद्ध अन्त्य गर्न इजिप्टको शर्म अल शेखमा सोमबार हुने अन्तर्राष्ट्रिय शिखर सम्मेलनमा तेहरानले भाग नलिने बताउनुभएको छ ।
कूटनीतिक संलग्नताको पक्षमा हुँदा पनि राष्ट्रपति र इरानी जनतालाई आक्रमण गर्ने धम्की र प्रतिबन्ध जारी राख्ने समकक्षीसँग संलग्न हुन नसक्ने अराघचीले सामाजिक सञ्जाल प्लेटफर्म एक्समार्फत जनाउनुभएको हो ।
यद्यपि इरानले गाजामा इजरायलको नरसंहार अन्त्य गर्ने र इजरायली सेनाको निष्काशन सुनिश्चित गर्ने सबै पहललाई स्वागत गर्ने उहाँले बताउनुभयो ।
अराघचीले प्यालेस्टिनी आत्मनिर्णयको मौलिक अधिकार सुरक्षित गर्न पूर्ण रूपमा हकदार भएको जनाउदै सबै राज्यले उनीहरूलाई यस विषयमा सहयोग गर्नुपर्ने पनि बताउनुभयो ।
उहाँले इरान सधैँ यस क्षेत्रको शान्तिका लागि महŒवपूर्ण पक्षधर भएको उल्लेख गर्दै इजरायलको विपरीत इरानले सदाका लागि युद्ध नभई स्थायी शान्ति, समृद्धि र सहयोग चाहने बताउनुभयो । (रासस/सिन्ह्वा)
