जेरुसेलम । इजरायली प्रधानमन्त्री बेन्जामिन नेतान्याहुको कार्यालयले शुक्रबार सरकारले हमाससँग बन्धक मुक्तिको सम्झौतालाई अनुमोदन गरेको बताएको छ । यो सँगै दुवै पक्ष गाजामा दुई वर्ष भन्दा लामो युद्ध र शत्रुता अन्त्य गर्ने सम्झौताको सफलता नजिक पुगेका छन् ।
इजरायलले सबै पक्षहरूले युद्धविराम सम्झौताको पहिलो चरणमा हस्ताक्षर गरेको उल्लेख गर्दै हमासले बन्दीहरूलाई मुक्त गरे पछि मात्र युद्धको अन्त्य हुने बताएको थियो ।
अमेरिकी राष्ट्रपति डोनाल्ड ट्रम्पले इजिप्टमा भएको यो सम्झौताले गत महिना गाजाका लागि घोषणा गरेको २०–सूत्री शान्ति योजनालाइ आत्मसाथ गरेको बताउँदै आइतबार मध्य पूर्वका लागि प्रस्थान गर्ने योजना बनाएको बताएका छन् । इजिप्टले सम्झौताको समापन मनाउन एउटा कार्यक्रमको योजना बनाइरहेको छ, जसका लागि ट्रम्प पनि इजरायलमा रोकिने अपेक्षा गरिएको छ ।
इजरायली सरकारले सम्झौता अनुमोदन गर्न बिहीबार बैठकको २४ घण्टा भित्र युद्धविराम गर्ने बताएको थियो, जस अन्तर्गत अन्ततः इजरायली सेना गाजाबाट फिर्ता हुनुपर्ने छ ।
नेतान्याहुको कार्यालयले शुक्रबार विज्ञप्ति जारी गर्दै सरकारले जीवित र मृतक “सबै बन्धकहरूको रिहाइलाई अनुमोदन गरेको जनाएको छ ।
जसका लागि नेतान्याहूले दक्षिणपन्थी सहयोगीहरूबाट दबाबको सामना गर्नु परेको थियो । राष्ट्रिय सुरक्षा मन्त्री इटामार बेन गभिरले गाजामा बाँकी रहेका ४७ जना बन्धकहरूको बदलामा हजारौं प्यालेस्टिनी कैदीहरूलाई रिहा गर्ने योजनालाई “असहनीय भन्दै सम्झौताको बिरूद्ध मतदान गर्ने बताएका थिए ।
इजरायल र गाजामा उत्सव र विश्व नेताहरूले सम्झौताको प्रशंसासहितको सन्देशको बावजुद, हमासलाई निशस्त्र बनाउने योजनाको आह्वान र ट्रम्पको नेतृत्वमा गाजाको लागि प्रस्तावित संक्रमणकालीन अधिकार सहित धेरै मुद्दाहरू विचाराधिन रहेका छन् ।
हमासका वरिष्ठ अधिकारी ओसामा हमदानले प्यालेस्टिनी इस्लामवादी आन्दोलनले प्रस्तावलाइ अस्वीकार गरेको बताउनु भएको छ ।
यद्देपी हामासले आफ्नो हतियार आत्मसमर्पण गरेको सवाललाई शान्ति योजनाको दोस्रो चरणमा सम्बोधन गरिने ट्रम्पले बताएका छन् ।
वरिष्ठ अमेरिकी अधिकारीहरूले अमेरिकी सेन्ट्रल कमान्डका प्रमुख एडमिरल ब्राड कुपरको नेतृत्वमा २०० जनाको सैन्य टोली मध्यपूर्वमा युद्धविरामको “निरीक्षण” गर्न तैनाथ गरिने बताएका छन् ।
पहिलो चरणको मस्यौदामा बिहीबार “सबै पक्षहरू” द्वारा हस्ताक्षर गरिएको पुष्टि गर्दै इजरायली सरकारका प्रवक्ता सोश बेड्रोसियानले पत्रकारहरूलाई भन्नु भयो हाम्रा सबै बन्धकहरू, जीवित र मृतकहरू, ७२ घण्टा पछि रिहा हुनेछन् ।
विदेश मन्त्री गिदोन सारले बन्धकहरूको रिहाइले “यो युद्धको अन्त्ये हुने बताउनु भएको छ । इजरायली नेटवर्कसँगको दुर्लभ अन्तर्वार्तामा प्यालेस्टिनी राष्ट्रपति महमुद अब्बासले च्यानल सम्झौता एउटा ऐतिहासिक क्षण भएको उल्लेख गर्दै रक्तपात बन्द भएकोमा खुशी भएको तथा यो दिगो हुने आशा व्यक्त गर्नु भयो ।
